السلام عليكم ورحمة الله
أخواني أنا رابع سنة لي في التدريس ووالله لو استقبلت من أمري ماستدبرت ما أخترت أكون مدرس ولكن وش نسوي لقمة العيش
بس هالذل إللي أعانيه كل يوم من الوكيل والمدير واقف في صفه بسكوته على أفعاله والله المستعان
وأنا والله منضبط ولله الحمد مع إني أداوم ساعة ونص رايح ومثلها جاي وبقية المعلمين ساكنين جنب المدرسة إلا إنهم صكوني بسوابع وسوادس وبلعتها ولا سويت مشاكل احتراما لذاتي كمعلم
والجدول حق المدرسة غير معلق في غرفة المدرسين من الأساس ولا أقدر أعدل شي منه ولا حتى هم مخليني أطلع عليه ؟
معليش طولت بالمقدمة وأرجع لسالفة الوكيل
هو كل شوي ناط لي في الحصة وداخل علي من غير استئذان وإذا خرج يخرج ساكت ولا كأنه مسوي شي ؟
أنا صراحة ما أدري أحيانا أكون منشغل بالدرس وماني من النوع اللي كثير كلام بالحصة ولا رفع صوت والطلاب الحمد لله ممتازين معي ومشاركين والأخ يدخل يفتش في اوراقي اللي احضرها والقصاصات اللي أجلبها معي للاستعانة بها وقت الدرس ويفتش كتب الطلاب وملفاتهم .. يعني بالعربي مسوي للطلاب شوي ربكة في الحصة وشتت أذهانهم .. وأنا كذلك ..؟
ما أدري هي صلاحيات ولا فرد عضلات ولا وش بالضبط ؟
أحاول أتشغل بحصتي ولا أختلط بأحد لا من بعيد ولا من قريب وأؤدي عملي على أكمل وجه في غرفة المدرسين من تصحيح ومتابعة ومن إلى ويجي يستفز بسؤاله ( ماعندك حصه ) ؟
هذا الرجل غريب الأطوار مدري شلون أتعامل معه صراحه ياليت تفيدوني وأعذروني على التطويل والله من قهرتي والله العالم بالحال
ايش دخل الوكيل يجي يفتش حتى المشرف الخاص بك وبمادتك يستاذن ويطلب منك الحصة التي تريدها اقول قفل الباب واذا جاك اطرده وانتهى العلم هذا يبيك تكرشه كرررررررررررررررش
عزيزي المعلم يعتبر هذا الوكيل يستخدم الطرق الهمجية معاك لفرد العضلات وابراز شخيصته , ولكن أخي العزيز هذه العينة استخدم معها العنف ولاتفكر بما إنك رجل نظامي ولكن ارجو منك أن تواجهه وجها لوجه وتفهم منه ماذا يريد بدون مجاملة وإذا لم يفيد معه ثق ثقة تامة إن لديه كثير من العثرات حاول أن تمسك ولو واحده فسوف يعتدل معاك غصب عن خشمه وهذه عن تجربة خلال إحدى عشر سنة تعليمية وإدارية وليست من صلاحياته الدخول بهذه الطريقة العوجاء وأخذ العلم أكرشه عند دخول الفصل بهذه الطريقة وشهد عليه ومعروف أن تتبع العثرات أمر سئ ولكن بعض الناس ينفع معه هذه الطريقة يتوب بعدها من فرد العضلات ومن حقك الاطلاع على الجدول العام ولاتسكت لهذه الشرذمة التي ابتلي بها التعليم
وتقبل تحياتي
السلام عليكم
مساكم الله بالخير جميع حبيبي الوكيل ماله دخل فيك فقط في الزمالة او اذا انابه المدير بخطاب رسمي بالادارة عنه اما غيره حده ابلاغك بالانتظار ويتابع وضع الطلاب صار معاي مثلك ولكن مسكت الوكيل على جنب وبلغته ماله وماعليه من مهام وبعدها هجد وما صار يتحشر معاي . الوكيل حده الطلاب والانتظار والغياب اما المعلم هناك مدير .
هذا ليس له الا حل وااااااااحد فقط :
هو انك تطرده وتكرشه امام الطلاااااب والمعلمييين
صدقني لا يوجد غير هالحل هالنعويه بالتعليم بجيييييح ويبغاله تعامله بمثل بجاحته والا سيتمادى اكثر واكثر وعادي عنده يتكلم عليك بألفاظ بذيئه امام الطلاب او المعلمين
والا تحمل على مابلاك الله به اذا لاتهمك كرامتك
,
الطيبة مشكلة في هذا الزمن الأغبر
وإذا ماكرشته تحمل مايجيك
مهمة الوكيل توزيع الانتظار ومعالجة الطلاب أصحاب السلوكات السيئة
الحل معه اكرشه قدام الطلاب بالحصة
خله يفقد شخصيته
وصدقني ما راح يجي بعدها عند كل الفصول يمكن يصير وكيل على المدرسين
وإذا دخل عندك بغرفة المدرسين يسأل عن الحصة
اكرشه كرشة محترمة قدام المدرسين
ولا تتعامل معه تعامل مع المدير
وإذا شفت المدير متعاطف معه
هز المدير وقله ليه ما لك شخصية أنت المدير وإلا سكرتير
صدقني المدير غير يراجع حساباته ويعرف إن شخصيته مدهورة
على فكرة أعرف واحد كرش مشرف بالحصة ولا صار له شيء
لأن المشرف ما استأذن منه
!!!
!!!!!؟؟؟؟؟؟؟؟
! المهم انها تكون جاهزة لما تطلبها الموجة او المديرة بغض النظر عن عن انه هاذي الطلبات مرهقة او متعبة ؟ 
!! 
