السلام عليكم ورحمة الله وبركاته
نزل أسمي ضمن المعلمين الجدد في شهر شعبان لكني أرغب في البعثة أكثر من التعليم.
كملت أوراق البعثة وأوراق التعليم حتى الآن واستفساراتي هي:
إذا باشرة العمل في شوال:
هل فيه أمل ينزل اسمي ضمن المقبولين في البعثة أم أنهم لا يقبلون أي شخص اسمه مسجل في الديوان؟
ولو نزل اسمي ضمن المقبولين ماذا أفعل؟ أستقيل؟ الأمر سهل وسريع؟ أم الاستقالة فيها تعقيد؟ هل يجب علي التدريس لمدة سنة كاملة عشان أستقيل؟ أو نصف سنة؟
التدريس افضلك من البعثة أخاف ترجع من البعثة وتدور التدريس وما تلاقيه هذا نصيحة عصفور في اليد الله يوفقك ويسر امرك
لا تفوت التعيين وملحوق على الابتعاث ترى ناس خلصت الابتعاث وجاءت وماحصلت وظيفة نصيحة أخ
والله وانا اخووووك طبعا الامر في الاول والاخير عائد لك
ولكن لن ازيد عن الي قالوا الاخوان
الوظيفة وانا اخوك هذي الايام اصبحت حلم او سراب الحمد لله على المستوى الخامس وراتبك اعلى من راتب المرتبة التاسعة اذا لم يكن اكثر
عسى الله يوفقك لما فيه مصلحة لك
تحياتي لك
نصيحه لك روووووووووح وسافر وادرس وجيب اطنخ شهاده والله ثم والله تكره عمرك , شف ياحبيبي اول شي التعيين في منطقه تبعد عن بيتكم مالايقل عن 1000 كيلو وأحلم تنقل خصوصا اذا من المنطقه الغربيه , ثاني شي تكد في الدوام لين يطيح وجهك كرف ومشرفين واذا الله رزقك بمدير يخاف عزالله تروح فيها ياااااشيخ والله ثم والله عندنا مدير مايسأله المشرف بس من خوفه قسم بالله تجيه رعشه في أطرافه , طلاب يرفعون الضغط لاتربيه ولامتابعه من الاهل تصير انت المربي والمعلم وكل شي عندك طيب ابوه وامه وين ياناس ترى الموضوع لازم يتعاون الاب والام والمعلم والمجتمع بس مين يفهم يجيك المشرف تسمع منه كلام تتأكد ان صاحبه فاغر لايفهم بس حافظ كلمتين لازم يقولها , الراتب الحمدلله طيب لكن ترى السفر اسبوعيا شق ظهورنا والله مايجي 15 بالشهر الا والحساب 3 نقط وتراك لو طلعت ودرست نفس راتبنا هنا تاخذه انت هناك لا وفي بعض الدول اكثر من راتب المدرس توصل المكافأه ل9000ريال غير انك تجيب شهاده والعلم لو مافادك ماحيضرك ,,
اسمعها مني شفني احلف وانا صايم قبل سنتين صار لي نفس اللي يصير معك وعزة كتاب الله اني رفضت الابتعاث بحجة الوظيفة والخرابيط ومعايه بعض الزملاء واخرين عزموا وسافروا وشف حالنا وحال زملاءنا ياخي التعليم أصبح يصيب المعلمين بالهستريا اسمع الشووووووور واعقلها وتوكل صدقني اني اتمنى من كل قلبي لك الخير والله يوفقك
السلام عليكم
غريب الاهتمام الزايد بموضوع الابتعاث هل السبب التقليد او فعلا حب العلم وطلب الشهاده
ياناس مافي وظائف طايرين برا على شان ايش ؟
امسك مجنونك واقضب ارضك
وان كان براسك اكمال دراسة بعد مع تتوظف كمل باحد جامعتنا واحمد ربك
والله ثم والله الاف من الطلاب راحوا برا دراسة وراح يرجعوا لكن لن يجدوا وظيفة لشهاداتهم احمد ربك جاتك فرصة وظيفة
عندي سؤال هل الميتعث عندا ينهي دراسته لاتلتزم الحكومة بتعيينه ؟؟!!!!!!!!!!!!
من وجهة نظري العلم لايقدر بثمن لكن اللي يجي أول الله يحييه إذا جاتك الوظيفه أول فتوكل على الله لأنه حظكم أحسن من حضنا منكوبات 1417 لاسنوات خدمه ولامستوى مستحق ولاحتى أمل في إكمال دراسات عليا قمة الإحباط …
السلام عليكم
ما أحد جاوب على سؤالي؟!
أنا مقتنع في البعثة ولا أرضى أن أقتنع في وظيفية الجهة المسؤولة عني تحفر لي وتتمنى أن تدوس على رأسي!!
أنا أريد العلم وليس التقليد وانشاء الله اني صادق في ذالك لكن أرجوا الإجابة عن أسألتي!!
على طاري عصفور باليد:
سألت دكتور مصري عن رأيه في البعثة أو التعليم قال لي نصيحة لا تشاور أي شخص سعودي.
قلت له ليِش؟
قال السعودي عنده مثل واحد فقط يعمل عليه.
قلت وشو هذا المثل؟
قال "عصفور باليد ولا عشرة بالشجرة" ثم علق وقال بل بعض السعوديون يقول لك ما فيه شجرة خير شر
وشكرا
الرجاء قراءة أسئلتي
<a rel="nofollow" href="http://javascript:void(0);” target=”_blank”>
