التصنيف: خريجات الكليات المتوسطة

هذه صوره توضح نظام تكامل وماذا يوجد بداخل تكاااامل

هذه عباره كتبت في تكامل …. اعجمية المعنى بالنسبة لخريجات دبلوم الكلية المتوسطه البديلات بالذات

لاننا ومن وجهة نظرنا اننا نصلح للتدريس لانه وبكل بساطه تم اختيارنا من قبل الوزارة لكي نعمل كمدرسات في سلك التعليم وايضا لنعلم بناتهن

فهل سنجد اجابه شافيه لهذا التساؤل من قبل الوزارات ؟؟؟
ام سنواجه صمت الوزارات كما هو المعتاد ؟؟؟
سؤال يدور في ذهني لماذا وضع المسؤول في لوزاره وايضا المتحدث الرسمي ؟؟
هل وضعوا على الكرسي لحجز المكان فقط ؟؟
ام وضعوا للرد على استفسارات المواطنين؟؟

---

باختصار انجي انتي رووووعه

ياليت بديلات الدبلوم يصحون لانفسهم شوى ويغردون بالصوره ذي ويطالبون بقوه لان هناك من يحاول اسكاتهم وتظليلهم وهضم حقوقهم

حسبنا الله ونعم الوكيل
حقنا يابديلات الدبلوم مهضوم بسبب قرارات غير عادلة
أنصفونا يامسئولين بالمرتبة السادسة على الأقل
إن كنا في نظركم لانصلح للتعليم
أليست عقودنا بدلاً لمعلمات
ماهذا التناقض
ياوزارة التربية

الروعه انتي يابدر البدور
والاروع وجودك بيننا

ياليت بالفعل بديلات الدبلوووم يصحصحون لانه فعلا من الظلم الاستفاده من خبراتنا والحين يقولوا لا تصلحون للتعليم

وان كان ياسماالمجد ايضا السادسه فهو ايضا مهضوم

اتمنى قرار عادل في حق بديلات الدبلوم

نعرف ان هذا ظلم لنا وكل خوياتي معلمات رسميات وموجهات وكلهن خريجات كليه متوسطه ولاكن حسبي الِّلـُِْـَْـَُِ♡ـََِـُِهِْ ونعم الوكيل

( ويل لقاضي الارض ‏​مٍْْـٍْْ♡̷̴̬̩̃̊ـٍْْنٍْْ قاضي السماء) مادمنا ياوزارتنا لانصلح للتعليم لماذا لم تختصر وهل ‏​مٍْْـٍْْ♡̷̴̬̩̃̊ـٍْْنٍْْ البدايه ؟ولماذ غيرنا ‏​مٍْْـٍْْ♡̷̴̬̩̃̊ـٍْْنٍْْ خريجات الكليه المتوسطه معلمات وموجهات ؟لماذا اختارونا للتدريس صباحي بمعدل ٢٥حصه مع احتياط ومناوبه وفرق في الراتب فقط (٢٠٠٠)لايزيد بل ينقص من تهديدات بعض المديرات تحملنا ذلك لغرض الترسيم ثم بدون سابق انذار تلغى العقودوعملنا لمدة سنوات ذهبت ‏​مٍْْـٍْْ♡̷̴̬̩̃̊ـٍْْنٍْْ اعمارنا وبعد ذلك غير صالحات للتعليم !والله والله ثم والله سوف يسألون عن كل هذا ولانسامحهم امام الِّلـُِْـَْـَُِ♡ـََِـُِهِْ عز وجل

وعند الله تجتمع الخصوم ولن نسامح من ظلمنا
حسبي الله وكفى

السلام عليكم ورحمة الله وبركاته

انا طبعا ماطلع اسمي مع المتعينات

ورحت اليوم للوزاره في الرياض ولقيت الزحمه والفوضى

وبصعوبه دخلت وعطيت الموظف سجلي المدني وتفاجأ ان اسمي مو موجود نهائيا في السستم

وقال فيه ثنتين غيرك نفس الحكايه يعني عددنا ثلاث مالقو اسماءنا نهائيا !!

كل البنات اللي جو اليوم طلعت اسماءهم في السستم وصححو الخطأ اللي عندهم

وقالو لهم بتطلع اسماءكم بعد يومين الا انا وبنتين قالو اسمكم مو في السستم نهائيا

قلت طيب وش الحل قال اطلعي فوق عند واحد اسمه خوجه

وطلعت فوق وبصعوبه دخلت عليه وبحث عن اسمي وبرضو تفاجأ انه مالقى اسمي

وقال عطيني ورقة المطابقه وصورة المؤهل والاثبات وعطيته اللي طلب وقال تابعي موقع

الوزاره في النت!!!

مدري حسيته يصرفني ماعطاني شي ملموس ورفض يقول لي سبب اسقاط اسمي!!

نخيتكم يابدوره وعتيق والصريح او اي احد عنده علم ووش اسوي ووين اروح ووش الحل ??

احس اني ضايعه وتايهه ومنغبنه ومقهوره وكل شي

وش ذنبي اذا كنت مطابقه ورايحه للحصر ومدخله الرغبه ومع ذلك اسقطو اسمي وربي ظلللللم

مابعده ظلم

ارجو منكم الرد الله يجزاكم خيييير

---

طيب ياخت الواثقة الحين الاوراق اللى ذهبت
لهم هل هي الموجودة بالخدمة المدنية المطابقة
والا اللى في ادرات التعليم اللى سجلت فيها الرغبة
المكانية

الله يكون بعونك أرجو من لديه علم او حل او راااي لا يبخل ع اختي الواااثقه فوالله اني حاااسه باللي هي فيه طااالبتكم لا تقصرون ولكم منا الدعاء

حسبي الله ونعم الوكيلحسبي الله ونعم الوكيل

اختي الواثقة بربها 333 ا ترا انا مثلك مالقيوا اسمي فالسستم بالمرة ولكن لنا الله سبحانه فوضنا الامر اليه

انتم وش فيكم لاتخوفونا

الأسماء الغير ظاهرة في النظام كثيرة ماهي ثلاثة فقط
كثير بنات قدمن بالوقت المحدد وطابقن ومع ذلك أسمائهن لم تظهر
الوزارة استعجلت بإعلان الأسماء وحرمان الأخوات

طالما المسؤول أخذ أوراقك .. تفائلي خير بإذن الله

هلاا بنات

لاتخافون

هذا موضوعي منزلته امس وتو الاداره توافق عليه وتنزله كنت توني جايه من الوزاره ومدري وش السالفه

طبعا انا قلت لكم ان فيه بنتين غيري مالقو اسماءهم في السستم

وحده منهم دقت علي اليوم تبشرني ان اسمها ضبطوه وطلع في السستم

وانا بروح لهم بكره بإذن الله اتأكد اذا ضبطوه او لا

وقالو بعد يومين تطلع الاسماء

بس ودي احطكم في الصوره الحين الشثري قال لنا في نفس اليوم اللي رحنا للوزاره

ان احنا راح نباشر في نفس اليوم مع اللي طلعت اسماءهم وفرحنا وتطمنا

طيب كييييف راح نباشر معهم وهم راح يباشرون يوم الاحد الجاي بتاريخ 13 رجب

واحنا لسى مادخلنا الرغبات والشرايح ؟؟؟؟؟

ماادري هل هو يصرفنا ويبي يهجدنا الله واعلم

حنا باذن الله راح تطلع اسماءنا لكن متى الله واعلم

اخاف تروح الاماكن الزينه وتكتفي المدارس اللي في الاحياء القريبه من بيوتنا

ويقلعونا بعيد وناكل هواااااااااااا

السلام عليكم ورحمة الله وبركاته:
حبايبي الدبلوميااات عندي استفسار بخصوص المجالات الوظيفية في جدارة تختاروا تعليمي أو تختاروا الجميع ,, وإذا اخترنا الجميع نضمن أن الوظائف الادارية تكون في المدارس ومكاتب الاشراف …
يمكن سؤالي شوي غريب ومو في وقته بس لأني دائما اختار وظائف تعليمية فقط مع أني عارفة ان الدبلووووم مستبعدين والآن حتى الوظائف الإدارية للأسف بس حبيت أتطمن ..
اللهم أنت الذي تعلم كسر قلوبنا وأنت جبار السماوات والأرض اجبر كسرنا وهب لنا من لدنك رحمة ورزقا تغنينا بها عمن سواك.

---

واالله اعرف اليوم وحدة دبلوم طلع اسمها باركت لها
وقالت لي

ان جتها رساله ع الجوال ان وظيفتها – غير تعليمي

يعني راحت علينا التعليمي والغير تعليمي

اعرف وحدة مكتوب لها تعليمي والارزاق بيد الكريم المنان

يابنات انا وحده من الي جتهم الرساله ماكتبو لا تعليمي ولا غير تعليمي بس كتبو لازم نحضر للمطابقه وبالنسبه للي تسال هل تحط تعليمي او غير تعليمي حطي الاثنين ماتدرين وين نصيبك —–

متى قدمت التقديم الأول أو الثاني .
وايش كتبتي كلية متوسطة والا اعداد معلمات
الله يوفقك ردي

المعتصمه بالله ياقلبي انا سجلت التسجيل الاول اعداد معلمات عشان كذا جتني الرساله عسى يكون بالامر خيره تدرين اكثر المقبولات من كلية المتوسطه هذا دليل انهم فعلا هم الاحق ولاقدم بس وش نقول بقطاعين الارزاق بس املنا بربنا كبير محد يموت جوع فديتك —

مو معقولة يستبعدوا هذا العدد الهائل من جريجات الكلية المتوسطة مستحيل ويمكن تجيهم مكرمة بقبولهم …………

الله يكتب لنا الخير جزاكم الله خير

صبيا…اليوم انا رحت وخلصت اوراقي وكان كل شي سهل المطلوب صوره من الوثيقه مع الاصل للمطابقه صوره من بطاقه الاحوال مع الاصل ورقه مختمه من البنك برقم الايبان الخاص بك مع استمارات هم بيعطونكم اياها تعبونها وورقه الكشف الطبي اما بخصوص الرغبات انتي تختارين عشر مدارس براحتك

---

هذا وين حبيبتي

صبيا ليش لحالهم وجيزان لحالهم

احس ملخبطين وضع جيزان

ساره نوره
اخترتي مدارس ابتدائيه فقط
تقدرين تختارين متوسط وثانوي
جاوبيني
الله يسهل امرك

ايوه يلولو نجد انا شفت الخيارت حقة الرياض فيها ابتدائي ومتوسط وثانوي ورياض اطفال وفيه خيار اذا تبغين الشغل في ادارة التعليم. …

ايوه يلولو االجوهرة انا شفت الخيارت حقة الرياض فيها ابتدائي ومتوسط وثانوي ورياض اطفال وفيه خيار اذا تبغين الشغل في ادارة التعليم. …

الرغبات عندكم مدارس او شرائح تشمل مجموعةاحياء
احنا عندنا في المدينه شرائح تشمل مجموعةاحياء تشمل القرى المجاوره الله لايوفق اللي اجبرنا نختار عشر اختيارات
ظلم والله اخترت قرى خارج المدينه اجباري
ترى احنا المرتبه الخامسه والراتب زهيد جدا حيروح مواصلات
القرى المفروض تكون لاصحاب الرواتب العاليه يقدر يدفع مواصلات ويتبقى له من الراتب
سيارات نقل المعلمات الفين و خمس ميه ومافوق الله لايوفق الظالمينى
يعني نتعب علشان ندفع لسيارة النقل بس ربي وكيل الصابرين
وان شاء الله ربي يساعدنا ويكون واسطتنا فهو نعم النصير مشان نتعين في المدارس اللي بنطلبهاى

من تعين مكاني وخيار واحد صار عشر خيارات ومفاضله

بعد انتظار هالسنين صار فيه تلاعب

اصلا استغربت انهم كل شوي يحققو لنا شي بدون تعقيد لين لقو نقطه يعقدونا فيها

السلام عليكم ورحمه الله وبركاته

غالياتي اعزي نفسي واعزيكم في فقيد الوطن : الامير نايف طيب الله ثراة وتقبله القبول الحسن وجعل قبرة روضه من رياض الجنه

وانا لفراقه والله لمحزونون لكن عزئنا في من خلفه ، اعانهم الله فالحمل ثقيل وهم لها ، نسأل الله لوطننا الخير والنماء والامن والامان
غالياتي كما تعلمون قضيتنا تسير بصورة مبشرة بالخير فلا يعتقد البعض ان هناك تاخير فيها فوالله انها تسير كالبرق ولاياتي التأخير الا لمصلحتنا

فكلنا يعلم عن المقترح الذي كان سيقسم تعيين الدبلوميات الي نصفين ، نصف يتم استيعابه من قبل وزارة التربيه والنصف الاخر في قطاعات اخرى

و تم مناقشته وكان مقترح استيعاب الجميع في وزارة التربيه هو الذي سيعمل به ، لذا ان حصل لها اى تاخير فهو حتماً في صالحنا ، لكن مسأله ان ننتظر

ان تاتينا الوظيفه ونحن لانعمل لاجلها امر غير وارد ، لذلك وجب على الجميع العمل بصف واحد ، فستستأنف الاتصالات كما في السابق ، وسيتم ارسال وفود من الاولياء

امور خريجات الدبلوم لوزارة الخدمة لمعرفه السبب الذي من اجله تم اعادة الافادة ، مع ثقتي التامه ان البراك لن يقف ضدنا بل على العكس من ذلك تماما فمن يعرفه جيدا

يدرك ان هذا الوزير مخلص جداً وحيادي ، ويقدم مصلحه المواطن ، لكن لدينا معامله ويجب ان نتابعها لذلك اتمنى من اخواني : الصريح ، ابوتميم ، ابوعبدالهادي ،وجميع اولياء امور

الخريجات ان يساندونا في هذه الخطوة ، التى نعتقد انها ستكون الاخيرة ان لم يجد هناك جديد ، ايضا اتمنى من نواعم التوتر التواجد بقوة فهذة الايام ايامكم والا اسمح بتخلف احد

فالقضيه بحاجتكم ، فلاتبخلوا عليها بالقليل من الجهد

---

الله يرزقنا من واسع فضله الحمد لله اولا واخيرا

عسى دوووم ها الضحكه يابعدهم

طيب ياقمر بما انك اول وحدة ترد فمطلوب منك تصاميم ومقاطع محترف كما عهدناك

ابشرررررررررررررررى

معك ع طول يالغلا والحمدلله انك رجعتي لنا بخير
والله يجعلها اخر الاحزان على منتدانا والله يفرحكم قريب اللهم امين

صباح الخير : أن شالله يابدريه راح نبذل قصارى جهدنا, والله يسمعنا الاخبار الطيبه وفالنا الوظيفه باذن الله ..

السلام عليكم كنا ننتظر في مثل هذا اليوم ان ترفع للديوان الملكي ولكن للأسف لم تخرج هذي المعامله من دهاليز اللجان
توجهه مشكور زميل زوجي للخدمه المدنيه رغم وصوله حديثاً للسعوديه وعنده أشغال كثيره لكن تغلب عليها وخدم زوجي هذي الخدمه
وصل الاخ الكريم الى مكتب وزير الخدمة المدنية الساعة 10 صباحا وقابل مدير مكتب الوزير وقال اريد موعد لمقابلة الوزير بخصوص موضوع خريجات الكلية المتوسطة
قال له الوزير ما راح يجي اليوم ولا بكره ولا بعده هذا اللي بلغني به الوزير ( هذا كلام مدير المكتب)
وسولف معه شوي وطلع يعرفه عن طريق احد زملاءه فسأله عن الموضوع وقال مدير مكتب الوزير المعاملة على مكتب الوزير وهو الوحيد اللي يبت فيها لأن الموضوع يحتاج قرار الوزير، وسأله عدة أسأله عن موضوع الدفعات والتعيين في القطاعات الحكومية الاخرى لكن مدير المكتب جاوب بعدم علمه .وان المعامله هو من سلمها بيده للوزير ولا زالت علي مكتبه وهي سريه للغايه فاخبره انه ذاهب للأستاذ علي الغامدي قال لن يفيدك بشي لان العلم عند الوزير والكل ينتظر رده وعلي الغامدي في المبنى الثاني
بعدها توجه الرجل لمكتب الغامدي وكان نفس الرد المعاملة في مكتب الوزير وهو صاحب القرار الان.
هذا ملخص زيارة الاخ اليوم وقد اجتهد جزاه الله خير ولكن كما يقول الموضوع فيه تعتيم وسرية من الجميع ويتكلمون بالقطارة
ووعد زوجي بزياره اخرى في اي يوم نريده جزاءه الله كل خير
أرجو من الله أن يعجل بالفرج فوالله لقد ضاقت بنا وبلغ الامر منتهاه ولكن ما بعد الضيق الا الفرج.

---

الله يعطيكم العافية جميع وحسبنا الله فيهم سينزل نصرنا من فوق سبع سماوات …

الله يجزاك خير انتي وزوجك وزميل زوجك اسأل الله الكريم ان يجعل ماقمتم به في ميزان حسناتكم والف شكر لك اختي اطاير رغم بعدك لكن ماقصرتي بالمتابعه الله يجزاك عنا خير الجزاء

اطاير اسأل الله العظيم ان يشفي وزجك وان يمدة بالعمر الطويل ،زوجك نادر الوجود وصاحب نخوة قلت او ندرت بالكثيرين ، هنا خريجات وقرايب خريجات تخذوا من المراقبة لوضعنا وترقب الجديد
اسلوب لهم دون خجل ، لذلك حق لك ان تفاخري به ، فله منا مليوووون شكر ولزميلة باقه ورد محمله بالاعتراف بجميلة ، نسأل الله له التوفيق والجنه ، ولااستغرب وعدة بالمراجعه فلة ولزوجك
دعواتنا بظهر الغيب ، اما انت اطاير فانت انسانه مهما كتبت عنها لن وفيها حقها ، لقد سحقت شئ اسمه الظروف وتميزت عن المتواجدات حولنا فلابعد مسافه مثل بعدك لكن هم المتميزون

فقط من يشق طريقة بين الاشواك ، لك ود ودعاء بظهرالغيب يانقية

الله يوفقك يااطاير لمايحب ويرضى ويرزقك من حيث لاتحتسبين
نسأل الله ان يمن على زوجك بالشفاء ويلبسه ثوب العافية
بارك الله في زميل زوجك بيض الله وجهه ماقصر بارك الله له في
وقته وصحته ولاحرمكم الله الاجر اللهم آآآآمين

الله يجزاك خير انتي وزوجك وزميله و يعطيكم العافيه
وعسى نهايتها خير نشاء الله

---

من جد حيره حيره ومو عارفين وين مستقرنا
بس أحنى ننأخذ بكلام غاليتنا بدريه
نروح بعد العيد نطابق
فالخدمه المدنيه
وربي يسهل أمر خريجات الدبلوم

مفروض حصر خريجان الكلية المتوسطة مايستثنونا من الحصر! انصدمت يوم قالت الأخت بدرية البديلات مستثنيات !! بأي حق تستثنينا الوزارة واحنا لسا ماثبتنا والله اعلم يصير لنا تثبيت او يكتفون بالبكالريوس وحنا مع الباب!؟! انا طابقت اوراقي في شهر عشرة والى الان لم يسجل اسمي في تكامل كل مادخلت يطلع السجل غير موجود مع العلم عند المطابقة اوراقي كامله.طبعا من لم تسجل رغباتها في تكامل وموعد مقابلتها تعتبر منسحبة كما هو مكتوب!!
حسبنا الله ونعم الوكيل

الله يكتب لنا الخيره كلنا نفس الحكايه

مصير خير بإذن الله

قرار البديلات واضح لكل من لديها عقود يعني يشملنا أن شاء الله

وفي نفس الوقت خريجات دبلوم بس وين الأفضل لنا الله اعلم

لأن البديلات حسب الاحتياج وهذا ماخوفني أنهم يثبتونها بأماكن بعيده عن إقامتنا

من لديها معلومه تفيدنا وجزاها الله خير

وانا مثلك لا أقــــــــول سوى ربي أختر لنا ولاتخيرنا..
ربي دبرنا فإنا لانحسن التدبير..
فوضنا أمرنا إلى الله إن الله بصير بالعباد..
ولانعلم الى ايـــــــــــــــــــــــــــــــــــــــن المصير

وانا مثلك لا أقــــــــول سوى ربي أختر لنا ولاتخيرنا..
ربي دبرنا فإنا لانحسن التدبير..
فوضنا أمرنا إلى الله إن الله بصير بالعباد..
ولانعلم الى ايـــــــــــــــــــــــــــــــــــــــن المصير

كان الله في عون جميع الأخوات

الله كريم