عندي سؤال يا اخوان ويمكن كد سمعتو فيه
الحقيقه انا عندي مدير الله يكرمكم زي الزفت ومخلي الدعوه في المدرسه ساااااااااايبه تعرفون وش معني سايبه معلمين يوقعون عن بعض ومحضرين المختبر يغيبون بالاسابيع صدقوني والله هذا الي صاير
المهم انا علاقتي معاه توترت كثير خصوصا في الايام الاخيره وغبت يومين ولا اعطاني مسائله عليهم انا الحمد لله نقلت لكن الي خايف منه هالنذل يقدر يسوي شي من وراي يتسبب في الغاء نقلي
الرجاء من الاخوه الي مرو في هالتجربه او المدراء يجاوبوني علي سؤالي هل يقدر يسوي هالمدير شي يؤثر علي نقلي ومشكورين علي فكره لو كان بيحسب علي غياب بدون عذر بيكون يومين
ما يؤثر بالنقل إلا إذا غبت 15 يوم بدون عذر
أما مديرك ما بيده الا الخرطي
وبالعكس أنت الحين تقدر تطيّر وشرته (يعني تهستر به)
مثل هالمدراء مروا علي الله لايذكرهم بالخير
بس أنصحك
-كمل إحسانك لأجل الله ثم الأمانة وليس لأجله
-استشعر وانت بمدرستك الحالية بأنك منقول وكلها أسابيع وتذهب وتفارق وجهه
-غض الطرف فالحقران يقطع المصران….
موفق
المفروض يسأل بدون مايوضح الاشياء اللي تصير بالمدرسة
وان شد عليكم مارضيتوا انا اتمنى ان الله
يجيبك عند لك مدير مايرحم ماهو متساهل
زي مديرك هذا
طبعا هذا ماوضح لي من كلامك تقول يخلي
الناس توقع عن بعض ولا يعطي مسائله
معناها متساهل بس ربي يجيبك عند
واحد كل يوم مسائله
بالنسبه للاخوه الي يقولون احذفوا الموضوع او الاخ الي يقول الله يجيبك عند مدير كل يوم مسائله
اقولك شي لو اتاخر 5 دقايق عن الحصه رقعني بمسائله وانا ساكت عشان ما اضر زملائي كلهم اخوياي بس هذا المدير كان معلم معنا في الفصل الاول وكان بيني وبينه مشكله وجا مدير مكلف علينا هذا الترم بس
وقاعد يستلعن ويتصيد علي اي شي لكن هو والله ماهمني اذا ضلمني في شي والله العضيم ماراح اطالبه ولا اقول شي لاني بدعي عليه كل يوم ولا راح امل من كثر الدعي لكن الشيء الوحيد الي يهمني هو النقل فقط هل يتأثر او لا
ومشكورين مره ثانيه للجميع علي فكره قبل شوي كلمني زميلي يقول انا ماسك عليه غياب 8 ايام والله العضيم الي غبتهم ثلاث ايام بس من بداية الفصل الدراسي الثاني هذا بالله وش اسوي به
وهو يخلي البقيه يغيبون علي كيفهم بالاسابيع
