حسبت لمعلم لدينا مقدار راتبه فوجدته افضل منا بعشرات المرات
شهريا راتب3500+بدل سكن 8000 + بدل تذاكر 2400+ دروس خصوصيه حدث ولا حرج+تأمين صحي = طبعا احسبها بعملة بلده يعيش احسن من رئيس الجمهوريه او وزير عنده ذمه وضمير مايسرق
هو من اول سنه يبني ويشتري اراضي ويرسل مصاريف اهله ويتزوج ويشتري عربيه في سنه وحده واحنا ياقلب لاتحزن راتبنا في وطننا ماله قيمه بحجم ماتتطلبه الحياة الكريمه فالمصري والسوداني يتقاضا راتب افضل منك ولو حسبناها راتبه اعلى من معلم المستوى الثاني ؟؟؟؟؟؟؟
وله قيمه بينما معلم المستوى الثاني المعلم السعودي لابد من خمس سنوات تجميع ولايعيش الحياة الكريمه وبالاخر تلقاه يقترض ليتزوج او يشتري سياره فيتم سلخه ليعيش خمس سنوات اخرى تسديد ديون يعني 10 سنوا ت من العناء من اجل زواج وشراء سياره فقط.ومتى يبني بيت ؟؟
بالمقارنه بالاجنبي الذي يتزوج اطلق بنت ويشتري اطلقها سياره ويشتري ارض ويبني بيت في سنه واحده في بلده ونحن ياغافل لك الله ويقلون لنا سياحه داخليه ونحن في داخلنا هموم سائحه تكرهنا بتراب الارض اللي نمشي عليها ونحن نرى غيرنا يتقلب في النعيم امامنا ونحن تعبنا يستمر عشرات السنينوتذهب صحتنا بدون تأمين صحي عكس الاجنبي فصحته اهم من ابن الوطن الذي يحمي ترابه والتذاكر التي ارهقت جيوبنا بينما هم ياخذونها لهم ولاابنائهم ونحن ندفع راتب شهرين عشان نحجز تذاكر رحلات داخليه فقط.
ويقولون الاجنبي مجتهد ويسمع الكلام
لان ماعنده مشاكل زينا لانه يعلم انه اخذ فوق حقه وزياده لانه يعلم ان مستقبله تم تأمينه في سنه ويحرص ان يؤمن مستقبل اولاده في السنه اللي بعدها ويتجه للثراء في السنوات التاليه ونحن 20 سنه يادوب تطلع دور اول وزين ان كملت الدور الثاني وان بنيت زي بعض المعلمين تلقاه بنى بالقروض اللي تلازمه طول 25 سنه من حياته بالله هذي وظيفه تكفل للمعلم كرامة العيش ويغثونك بالاجنبي وهم عارفين انه افضل منا بعشرات المرات في معيشته فتجده فعلا يجد للعمل لدينا اهميه كبيره فيذل نفسه ويصير ممسحه للمدير ولا يعترض اصلا لماذا يعترض وهو ماخذ اكثر مما يستحق المعلم المصري في مصر لايتعدى راتبه بعد خدمه طويله 200 جنيه عليك الحساب شوف الجنيه كم يساوي سعودي يعني ميه وعشرين ريال سعودي تقريبا وعليكم الحساب اذا غلطت لان ماعندي جواز سفر الي الان لاني قاعد اجمع للزواج فقط ولي 3 سنين يادوب المهم اتمنى ان الصورة قد اتضحت للاغبياء الذين هضمونا حقوقنا ومستوياتنا واكلو فروقاتنا
فكيف يقولون المعلم السعودي كثير الاعتراضات
المعلم السعودي يناقش كثير ولايتعاون في العمل
المعلم السعودي يتكاسل عن اداء حصته
حصر نسبة الغياب والتاخير
المعلم السعودي متزمت مايحمد الله
كيف تقارنون من استوفى حقوقه كلها وعاش حياة كريمه في ظل وطننا ونحن ابناء الوطن منقوصو الحقوق؟؟
سلمتك بايد الله يامحملني اسيه
وبصراحة مقارنة راااائعة
الله يعينّا على الدنيا بخير
للأسف تنفخ في قربة مقطوعة ….
لقد أسمعت لو ناديت حيّاً ….. ولكن لا حياة لمن تنادي
أتحدى أن يوجد بلد في العالم يعامل المقيم فيه أفضل من إبن البلد … إلى الله المشتكى
