كيف الطريق إلى المرامية

اخوي طريقها من خط تبوك تمشي تقريبا 50 كيلو الين يجيك مفرق المليليح على يمينك تلف معاها وتمشي وتتعدى البوير وتتعدى شجوى وبعد شجوى تمشي 40 كيلو .. تجيك لوحه على اليسار مكتوب فيها المراميه والمربع والعيص والسليله .. تلف يسار وتمشي خط مستقيم 50 كيلو تجبك السليله تتعدها وبعد ماتتعدها بمسافه بسيطه تجيك لفه على اليسار مكتوب عندها المستودع الخيري لف معاها واول ماتلف تلقى ع يمينك لوحة مكتوب عليها المراميه لف معاها والله يعينك ع الطريق ممل للغايه كله لفات وانحناءات الين ماتوصل المراميه
واي خدمه يالغالي

بيض الله وجهك اخوي أبو عبدالرحمن

للعلم : بعد شجوى تجيك محطة هي محطة المقرح مكتوب عليها محطة الخير بعدها تجيك لفة على اليسار لا تلف معها فيه لفه ثانية تجيك بعد ما تدخل في جبال ثم تطلع وتشوف انك دخلت في منطقة مبسطة تحصل مكتوب لوحة العيص والمربع يسار تلف معها
المهم ان بين هاللفة وبين شجوى عشان ما تضيع بينهم 50 كيلو تقريباً
أتمنى أبو عبدالرحمن يصححلي إذا كنت مخطي

وجهك ابيض اخوي خالد ..
اللفه الي ذكرتها هذي لفة خط ( شميســـي ) بس الخط مااكتمل باقي فيه 22 كيلو جلد ..
بالفعل اللفه هذي اتعدااااها ولف اللفه الي بعدها ب 20 كيلو .. مكتوب عليها المربع والعيص والسليله لف معاها
موفق خير اخوي ..

بيض الله وجوهكم جميعا و جزاكم خيرا