اختي الفاضلة كان عندنا معلمة اخذت اجازة استثنائية ترم كامل وبعد شهرين داومت وسألتها كيف خلوها تداوم واجازنها ترم فقالت نظامنا لو خذتي سنة اجازة وتمتعي بس بشهرين تقدرين تقطعينها وترجعين وهذا نظام الدولة بس طبعا ما يقولونها صريحه عشان ماتستغلها المعلمات
بس ترى على فكرة حتى الاستثنائي لازم ترم كاااااااااااااااامل
لكن انتي خذي رعاية مولود ترم وبعدين اقطعيها بعد شهرين حسب اللوائح يجوز قطع الاجازة ايا كان نوعها
لماذا المعلمات معذبات في إجازاتهن
رعاية المولود غير محددة المدة ( شهر – شهرين – …… )
ولكن كله على حسب مزاج الإدارة تضع شروط من أي تعميم ما أدري
في مدرسة واحدة تجمع المديرة المعلمات و تقولهم الشرط " ترم كامل "
بعدين نشوف المقربات على كيفهم ( محتاجات الراتب و ما يقدرون إلا شهر ) و يرفع لهم شهر
و الباقي لا لا لا لا لازم ترم ما تفهمين التعميم
ليت الوزارة تألف كتاب عن إجازة رعاية المولود ( الحقوق – الواجبات – متى التقديم – كيف التقديم – أطول مدة – أقصر مدة – بنود الواسطة – أنواع الواسطة – أقوى الواسطات – …….. )
الله يفك لك أزمتك … وحاولي تكلمي مدير التعليم في منطقتك و تقولي له هات التعميم الصادر من الوزارة نفسها أنه لازم ترم
و إذا لا قدر الله طلعلك التعميم المزعوم ……. خليه يتوسط لك
