قرارات ارتجاليه وربي ترفع الضغط
الواحد منهم يقعد يتكي طول السنه ومعا بيالة شاهي يصدر تعاميم
السالفة وما فيها اني لاول مره في حياتي انظبط في الحضور المبكر والله العظيم اني صرت اتحرك من البيت الساعة السادسه علشان ااصل المدرسه واكون من الاوائل
وايضا ماخذ 24 حصة هذا غير الاشراف والمناوبة والخروج مع الطلاب في الرحلات في عزالحر من جنادرية وغيرها وايضا قمت بعمل اعمال طوال السنه من انشطه ومسابقات
وقسم بالله الجوائز من جيبي الخاص
وغيري من المدرسين المتشمتين يطالعون ويناظرون حسد في حسد
الشهاده لله المدير ماقصر كرمني ااخر السنه الله يوفقه ويجزاه بالخير
ولكن هالوزارة الي ما تحترم معلميها المتميزين وتعاملهم بقسوه وربي العظيم اني مقهور
========================================
ما لكم بالطويله
هذا الدبيان قام بارسال تعميم ان جميع المعلمين الي ماراحوا الفصل الاول يراقبون بالثانوي يروحون
مع انه بالفصل الاول قال الي عندهم احصائيات تأخر يروحون
طيب الحين صرت انا وهم سواء يعني تعبي طوال السنه ماله تقدير
المدير ما وده اني اروح بس التعميم حاده على كذه
وياشماتتي قدام المعلمين الحاسدين صاروا ينظرون الي نظرة انتصار
يعني خل الانضباط ينفعك
انا سؤالي:
هل اخربها وما اروح للمدرسه الي محوليني فيها او ايش الطريقة الي اسويها علشان ما اروح
اتمنا من ذوي الاختصاص في هالامور يفيدوني؟
مع العلم انها مو فارقه الروحه معي بس شي يقهر
يعني باختصار ما ابي اروح لاني مقهور من تخبطات الوزارة مو لشي ثاني
بعدين احنا عندنا مراقبه الفصل الاول والثاني
ياحظكم
وخل القرعا ترعى
هذا حالنا
وخل صدر وسييييييييييييييييييييع
عشان تتادب هالوزارة
ثلاثة اسابيع أو اسبوعين واترك الحسادة تدوام حتى 29/7 أما لو في حالة عدم اعطائك الإجازة مباشرة بعد الإختبارات يارجال اخربها وروح داوم وراقب وافلت الحبل على الغارب صدقني يتوبون يحطونك مراقب في اليوم الثاني وخلي اصوات الطلاب تطلع أثناء الإختبار ازعاج وهرج وسوي نفسك مسكين ملانت متعود على الطلاب الكبار وبكذا تصير الأمور تمام والعكس لو عطوك اجازة لا والله اضبط ابو جدهم وراقب ودوام بدري وربي يوفقك
والله ثم والله ماحداني اتكلم كذا إلا تخبط المسؤلين بالوزارة وعدم احترامهم للمعلمين والمعلمات
لو ما رحت عيني عينك خصم ومالك قبيل عندهم
طلعتنا من مدارسنا غلط من حقنا بدل …………………… لكـن الشكوى لله
والله العظيم ما خلاني اكتب الا من القهر الي بصدري
شكلي زي ما قال اخوي العتيبي
بحاول في مدريري يعطيني اجازة بعدها وربي لو ما قدر يعطيني لخربها
واخلي الطلاب يقلبونها سامري
====================
ولكن انا الي ابغا اعرفه لو ما رحت او رحت ووقعت الصبح بدري وهجيت او رحت مدرستي الاصليه ووقعت
وش لي ووش علي ؟؟؟
ولا يفيدك اثبات الحضور في مدرستك الاصلية
………………………………………….. ………………………
وإذا رحت للمدرسة اللي بتراقب فيها ووقعت ومشيت فما يلحقك ألا إنهم يوجهون لك مساءلة عن عدم تواجدك في المدرسة
ولك كل الإحترام
