قرأت قبل مدة من احد المنتديات فكرة.. ذكر صاحبها انه قام بعمل حصاله ووضعها على التسريحه وصار كل ماقام الصباح قبل الذهاب للعمل يضع في الحصاله اللي يقدر عليه… ثم في يوم الجمعه يجمع مافي الحصاله دون أن يعدها ويضعها في جيبه… وبعد مايصلي الجمعه يعطيها احد المحتاجين … وذكر ان الله بارك له في الراتب وتحسنت أوضاعه… منقول بتصرف
اعجبتني الفكرة وقلت خليني انفذها…
احضرت علبة حليب الاطفال الصغيرة الفارغة وعملت فتحة مستطيلة من الأعلى
صرت اضع فيها كل يوم مبلغ بسيط ( قليل دائم خير من كثير منقطع)
كل مدة اخذ المبلغ واعطيه للمحتاجين وما اسمع غير الدعاء.. اللي يقول الله يوفقك.. واللي يقول بارك الله فيك.. واللي يدعي لاولادي..
النتيجه.. اخلاقي زانت مع الحرمه والأولاد ( هذا ماقالت لي المدام ) صرت اشري للاولاد هدايا اكثر من الأول ( على كلام ام العيال ) زدت مصروف الوالدة الله يحفظها.. وصار يوم ينزل الراتب يكون عندي ميه او ميتين من الراتب اللي قبله ( وهذا كان من سابع المستحيلات وانتم ادرى..)
الحاجه الاخيرة اللي ابقولها لكم… كنت في الماضي اذا شفت محتاج وابعطيه… يقول لي الشيطان … أولادك اولى.. اشتري لهم بدل ماتعطيها المحتاج (مع العلم إني كنت ما انقص عليهم شيء) … الأن اذا وضعت الفلوس اللي جمعتها في جيبي ما ارتاح لين احصل محتاج واعطيه الفلوس ( احس انها خرجت من ذمتي وصارت ماهي لي.. واحس انه ماهو أنا اللي دافعها..)
والسلام ختام….
وصلى الله وسلم على نبينا وحبيبنا محمد وأله وصحبه أجمعين….
………………………………….
امين
جزاك الله خير
الله يعلم كم واحد غافل وقرا موضوعك؟؟
الله يكتب لك الاجر ويوسع في رزقك انت والمسلمين اجمعين.
