الوسم: المسلوب

اخواتي خريجات معهد المعلمات الكثير منا غير راضي عن هذا الراتب اللذي سيعطى لنا لانه لن يكفي الحاجات الاساسيه من متطلبات الحياه والكل يحسبها ويشوف اش راح يبقى من هالراتب مع العلم اني لااتكلم عن كماليات انما هو راح يكون في الحاجات الضروريه فلذلك هل سنصمت بعد هذي السنين اللتي انتظرناها لا يااخواتي انما علينا ان نستمر في طرح معاناتنا اعلاميا في الصحف وتكثيف ذلك حتى ينظرون الينا وكلنا شفنا خريجين كلية المعلمين الاولاد ماعيونهم الا بعدما صعدو قضيتهم اعلاميا وتجمعو عند الوزاره والا غير كذا ماراح يطالعون فينا وترى والله ماضاع حق وراه مطالب لن يضيعنا الاالسكوت

---

انا معاك ياختي لازم نصعد الموضوع نعيد القصه من جديد …والله ثلاثه الف ماتسوي شي ……وحقنا هوالمستوى الثاني براتب5300وعلاوة سنويه400……….المرتبه الرابعه ظلم للخريجات …..الوقت المتبقي قصير …لازم نسوي شي وبسرعة..

يالله يابنات شدو الهمة

الله معنا
احنا مانبي كلام لازم نسوي شي قبل العيد

على ذكر التصعيد الإعلامي بمنتدى الوزارة فيه موظفين رواتبهم على سلم الموظف العام امسوين حملة قوية ايطالبون الملك بتعديل سلم رواتب الموظف العام مثل ماعدل سلم رواتب العسكريين وهو هذا بصراحة الصح كل موظفين سلم الرواتب العام يرفعون للملك بتعديله بصراحه ظلم حتى على حملة البكالوريوس المرتبة الخامسة والسادسة 4000 وشوي واغلبهم اداريين يكرفون طول السنة وشوفوا رواتب المعلمين والمعلمات كم ماشاء الله

اذن فلنتفق على طريقه لايصال اصواتنا الى الصحف ولنكن يدا واحده لان اليد الواحده ماتصفق وبسرعه قبل فوات الاوان

---

صدقت لابد من التكاتف والاصرار والعزيمة
بارك الله فيك

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته

أولا:أعجبني هذا الموضوع حيث أن هناك قاسم مشترك بيننا نحن المعلمون وهذه المرأة..!!

فأحببت نقله لكم…

ثانيا:هل ما قامت به تلك المرأة يعتبر جائزا لإسترجاع حقها..؟؟

اليكم الموضوع:
موقف عجيب ولكن ليس غريب ..
أمس ألحوا علي الأولاد يبون يطلعون من البيت "طفشانين" على قولتهم مع أنهم قبل أمس كانوا في الملاهي !!!
أخذتهم ورحنا لحديقة قريبة من البيت من الحدائق الجديدة التي تفتتحها الأمانة في الأحياء .. كانت مزدحمة شيئا ما .. المهم قالت بنتي بابا أبغى المرجيحة .. ناظرت للمرجيحة والا زحمة عندها وصخب وأصوات مرتفعة .. طبعا قلت لازم أعرف وش السالفة خاصة وأني في موقع الحدث !!
جيت للمكان وإذا فيه بنت يمكن عمرها 12 سنة أو أقل بعد ماسكة المراجيح بيدينها وتقول ما احد يركب إلا بعد ما يدفع 5 ريال .. !!! طيب ليش؟؟ موب الحديقة عامة وتبع الحكومة قالت لا إحنا جايين بدري وأمي قالت لا أحد يركب إلا بفلوس لنا حق في الدولة ما أخذناه ؟؟!!
أنا لم اصدق ما أسمع من بنت صغيرة أحسبها لا تعي ما تقول ولا تفهم معناه …
وبالفعل بعد شوي جت الأم تصارخ : مافي ركوب إلا بفلوس اللي عاجبه عاجبه واللي موعاجبه يروح يشتكي عند أكبر واحد يشوفه .. أنا وحدة ماخوذ حقي وبأطلعه بأي طريقة ؟؟؟!
طبعا بالنسبة لي لا أحب المشاكل ولا الجدال العقيم فانسحبت بأطفالي ويممنا كارفور ولعبتهم بفلوسي وبدون أي مشاكل ..
لكن ما رأي بناء في مثل هذا التفكير الذي تبنته تلك المرأة ؟؟ !!!
أرجوكم نريد آراء واعية ونقاشات هادفة بعيدا عن المشاحنات والسباب والشتام .. رجاءً

---

بصراحة موقف غريب جدا

ولكن ما ذنب الاطفال الي جايين يلعبوا يسددوا حقوقها المسلوبه ,,,؟

اهم شي عيالك لعبوا وانبسطوا واتعلموا من ها الموقف اكيد

تحياتي

عاد معقوله تاخذ حقها من الدوله بهالطريقه….

وش ذنب ابناء الشعب عشان يدفعون لها

موقف غريب من جد..

مشكور اخوي..

هزلت فوقع عليها الظلم فظلمت غيرها , وهكذا يتنقل الظلم بين افراد المجتمع. *

الظلم يفعل اكثر من ذلك .. حسبي الله ونعم الوكيل على من ظلمها

لو كل شخص أخذ حقه بيده
لساد قانون القوي وضاعت الحقوق
عمل أرعن
ومن جهة أخرى التنازل عن الحق خوفا من المشاكل كما فعلت الأم معتقدة أن ماعندها من مال سيغنيها عن حقها
كذلك سلبية منها فتنازلها بهذه السهولة سيجعل منها هدفا سهلا

كان الأولى منها معرفة سبب فعل المرأة تلك التي احتلت مكان عام ثم بعد ذلك تقرر ما هي الخطوة الثانية …

أسعدني مرورك أختي الكريمة

أحب أذكرك أن الموضوع منقول شكرا مرة أخرى،،،

الله يرحم شيبانك ابعدينا عن السياسة…!!!