الوسم: المرشده

:

السلام عليكم و رحمة الله

لو سمحتوا أبي أستفسر و اللي عنده فكره عن الموضوع يفيدني

أنا معلمة لغة إنجليزيه و جاء تعييني في مدرسه ابتدائيه فقط

طبعا في المدرسه فصل واحد سادس يعني بس حصتين

ومديرة المدرسه عطتني مواد الدين للصف السادس

و عطتني بعد النشاط المدرسي وفوق هذا جاني من الاداره خطاب

انتداب لمدرستين ابتدائيه ثانيه ورفضت لكن التوجيه كانوا على اتصال

دائم بالمديره و قالوا ان الانتداب الزامي وغصبا عنها توافق !! المهم

كلمت الوالد وراح لادارة التعليم وقابل المدير وقال له معلمات اللغه

الانجليزيه الانتداب لهم اجباري و مو شرط تمسك مواد ثانيه في مدرستها الاساسيه..

اضطريت اني اوافق بالرغم من صعوبة المواصلات وفي نفس الوقت

مسكت مواد الدين والنشاط في المدرسه الاساسيه لانه في عجز

معلمات بالمدرسه اصلا… وعدت السنه اللي فاتت على خير..

الجديد انه السنه هذي فيه شي اسمه انفلونزا خنازير والمديره

رشحتني عشان اروح الدوره و رحت وبعدها بيومين اتصلت علي

وقالت انها اختارتني كمرشده صحيه للمدرسه

طبعا مع حصتين الانجليزي ومواد الدين لكن النشاط اخذته

مني..المهم مالكم بطول السالفه

الحين بي اعرف:

1- هل فعلا انتداب معلمات اللغة الانجليزيه اجباري او لا ؟؟ واذا كان

اجباري ورفضت وش راح يصير؟؟؟

2- طيب رحت الانتداب و الطالبات اللي مسؤوله عنهم بصفتي

مرشده صحيه وراح اكون مسؤوله عن اي شي يصير حسب ما

اعطونا في الدوره لازم اقيس درجة الحراره يوميا و و و كلام كثيييير ……….؟؟

بصراحه انا محتاره وماادري وش اسوي..افيدوني جزاكم الله خير

:

:

محدن عنده فكره يعني؟؟؟!!!

:

:

:

مشكور أخوي تربوي كول بس أبي أعرف باالنسبه لانتداب معلمات اللغه الانجليزيه

اذا كانوا في مرحله ابتدائيه هل هو إجباري أو إختياري واذا كان إجباري و رفضت

وش بيصير؟؟

:

: