دخلت قبل شوي موقع وزارتنا الموقره ولقيت المشرفين قايمه قيامتهم وحاذفين موضوع وحده تتكلم عن الفروقات والمستوى المستحق يعني شكلهم ناوين على منتدى شؤون المعلمات بيسكرونه زي ماسكروا منتدى شؤون المعلمين مساكين والله قمت اشفق عليهم صايرين مثل الواحد اللي عنده عيب واضح بوجهه ولا يبي احد يصارحه بالعيب يعني ايش يتوقعون من معلمين ومعلمات مغبونين ومقهورين وش بيتكلمون فيه عن الرواتب او البدلات او الرفاهيه اللي هم عايشين فيها؟ طبيعي راح يتكلمون عن مشاكلهم وهمومهم او بالاصح عن وضعهم الوظيفي اللي هو بحد ذاته اكبر مشكله بس يا اخوان لو الواحد يحسبها بالعقل والمنطق الوزارة ان كانت مقتنعه ان لنا حق "وهذا امر بديهي ومافي اي مجال للشك فيه" فقدامها حلين مالهم ثالث اما انها تستعجل بالفروقات عشان ماتتراكم عليها المصاريف لان اي تاخير في القضيه ماهو في صالح الوزارة بالدرجه الاولى والا احنا ولله الحمد مقتنعين بمطالبنا وعندنا ثقه بالمحامي وانشالله منصورين والتأخير فيه خيره لنا بإذن الله لان حقوقنا في حال كسبنا القضيه بترجع كامله مكمله اما الوزارة بيصير تمطيط الوقت والجلسات الدوريه للمحكمه زي حرب الاعصاب عليها لانها في النهايه عارفه ان الحق معنا وكل شهر يمر بينحسب عليها كفروقات اما الحل الثاني فهو اللجوء للثغرات ومحاولة اللعب على التعاميم والقرارات اللي تعينا على اساسها وياخوفي يلقون درب ينفذون منه وفي طريقه بس تركتها للأخير وهذي اي واحد راح تمشي عليه يسمح لي اقوله انه ماعنده كرامه ولا شاف خير اكيد تبون تعرفون هالطريقه اللي بتلجأ لها وزاراتنا في الشهور القليله القادمه واللي اتعودنا عليها منهم وهي طريقه التحسين الغبيه اللي اعلنوا وقالوا انها اكبر حركة تحسين على مستوى الوزارة يعني بكل بساطه بيعطونا ابره مسكنه ويحركون كل واحد الى المستوى اللي اعلى من مستواه والى اقرب راتب زي البزارين بيضحكونا علينا والمشكله اشوف بعض المدرسات معي واشفق عليهم تقول الوحده ياليت يحسنون مستوانا لو يحصل لنا 200 ريال زياده احسن من لاشي بالله هالعقليات والنماذج المتخاذله وش تتصرفون معها وكيف الوزاره بتحط لنا اعتبار اذا كنا متعلمين ومثقفين وهذا فهمنا لحقوقنا ….
حتى انتم يالمعلمات ماافتكيتم من شرهم
حوادث ومسؤليات بيوت وتعب ومخاطر وتقييد حريات كمان
الله يعينكم اختي اصبري والله معانا في قضيتنا
والله ان جات علي اني احمد ربي لوعينوني والله لو انتي في الاهليه لتقولين ليتهم يعطوني راتب فراشة في الحكومية اقول عيدي واحمدي ربك
اقتباس:
|
( حنان )
والله ان جات علي اني احمد ربي لوعينوني والله لو انتي في الاهليه لتقولين ليتهم يعطوني راتب فراشة في الحكومية اقول عيدي واحمدي ربك
|
كل شخص حامد ربه لكن الانسان يبي حقه###وبعدين ترى فيه ناس حتى الاهليه ما قبلتهم ويحسدونك لكن حنا كلامنا وهدفنا لنا و لكم ان يعطوننا حقنا والحمد حامدين وشاكرين
شـكــ وبارك الله فيك ـــرا لك … لك مني أجمل تحية .
هذي طريقتهم وهذا ديدنهم
لاغرابة..!
أخت إيمان…
ولايهمك..
الحقوق راح تجي بإذن الله …
ولكل تعود مظلمته ياأخت حنان ..
شـكــ وبارك الله فيك ـــرا لك … لك مني أجمل تحية .
