الوسم: الشباب

_يحصل الكتاب ويفتحه يبا يذاكر الولد
شوى ويشوف مكتوب مع تحيات ابو جاسم وابو عسكور يحصل ربعه يحليله
الولد استانس ويلس يتذكر اى يوم كتبوها وش كانوا يسولفون عنه ويتم يتذكر<< مسوي ذكريات>

_يحصل موضوع ماحدده او ماكتب فيه شي ولا كان غايب الاخوو.. طبعا كل يوم غياب الا يومين في الاسبوع يالله يالله دوام ..
يقول خلني اطلع انقل من الشباب ويطلع ويروح مع ربعه وسوالف ومغازل بنات وضحك ويرد البيت متاخر وهو ماحدد شي ولا افتكر في الكتاب ………..

_يقول بواصل وبذاكر.. وهو سهران على المسن او التلفزيون
والكتاب مفتوح على المقدمه (الفهرس) ولا يعرف شو السالفه اصلا

_قبل لايروح للمدرسه
امي انا تعبان بطني يعورني و راسي بعد ………عشان اذا ماحل عدل في الامتحان يسكتون عنه >>

واخرتها الولد راسب مافلح>>>>>………

—————————–

البنات في وقت الإمتحانات تتوقعون شو يسون؟؟ ؟؟

_الثلاث وجبات الرئيسية لازم تاكلها أول وحده وما تقوم إلا آخر وحده يوعانة المسكينة يا حراااام ،، وأحيانا تزيد وجبات إضافية إذا كانت المادة دسمة .

_تقعد تسوي عمرها وتعبانه ويااااااربيه ما اروم أذاكر مادري شو فيني.. أمي حاسة بكتمة 00الظاهر ان حد عاطني بعين 000 تقعد امها تقول باسم الله عليج000 تعالي اقرأ عليج يابنيتي00 كل هذا عشان إذا رسبت يقولون عين00

_بعضهم ينزل عليهم وسواس نظافة أيام الامتحانات تتروش الصبح والليل تستشور شعرها كل مرة طبعا ما يتسوي تخليه مشوط وباجر كيف تروح المدرسة ؟؟..

_وهاي اتخلي الكتاب على صوب وتقوم تقايس فساتين الاعراس اللي عندها لان عقب الامتحانات عندهم عرس فلانه بنت فلان لازم تحدد شو تلبس من الحين ….

_وبعضهم تنزل عليها صلة الرحم فجأة… سبحان الله .. تقوم تتصل في وحده من اهلها اللي من زمان ما رمستها تبا اتشوف شو استوا فيها وتشغلها عن المذاكرة 00

_وهاي تنزل عليها الشطارة فجأة تقوم تسوي العشا وتغسل الصحون عن الشغالة وتقولها اطلعي روحي نامي انتي خلاص اشتغلتي اليوم وايد ..روحي انا اكمل00 خخخخخخخ

_والثانية مبتليها الله بحب التليفون …. يالسه الاخت شات حشى مو مسجات… وما تحس بعمرها الا قبل الفير بساعتين00

_وهاي يحليلها ايام الامتحانات اتيها حالات غريبه كل شوي اكله معينه
الا رايحه وراده من الجمعيه ,وامها تقول ها بنيتي شو تبين اييبلج؟؟ تقول البنت لا امي انتي ارتاحي مابي اتعبج ويايه .. انا بس بروح باخذلي جوكليت عسب افتح نفسيتي للمذاكره وباخذ نسكافيه عسب اقدر اذاكر عدل … والام يحليلها ما تدري ان كل هذا هروووووب من المذاكره .. ما تخلص الامتحانات إلا وهي زايده 4 كيلو ونص درجاتها ع الحافه والنص رسووووب …

وانشـــــاء اللهـ يعجبكم المووضوع{..