بسم الله الرحمن الرحيم
السلام عليكم ورحمة الله وبركاته
اخواني المعلمين قدّر الله علي وأخذت قرض قبل ثلاث سنوات
والآن محتاج قرض آخر ( بسبب الزيادة الأخيرة بالراتب )
قال لي البنك : تقدر تأخذ إعادة تمويل ( وكلكم أتوقع تعرفون طريقته )
وتقدر تأخذ قرض مستقل بس بأقل فلوس من إعادة التمويل ( وهو الأفضل على حسب كلامه ) له سنواته غير سنوات القرض الاصلي
لدي الخيارين , وش رأيكم أيهما أفضل ؟
من ناحية الفائدة لي ..؟
أتمنى إفادتي جزاكم الله خير
في اي بنك؟
وعليكم السلام ورحمة الله وبركاته
هلا أخوي أنا بقولك طريقة كويسة لأني لمحت من كلامك أنك تريد مبلغ كويس
شوف أخوي أنت تقول أن باقي لك سنتين لأن مر عليك ثلاث سنوات
هذا إذا أنت قرضك خمس سنوات
الطريقة هي أنك تبحث عن شخص يمون عليك وتمون عليه
أخوك ابوك أختك أي شخص يملك مبلغ لديه
أنت شوف كم باقي المبلغ الباقي لك من قرضك السابق
مثال بقى عليك 40 ألف لو تسدد سداد مبكر راح تطيح عليك الفوائد حقت السنتين الباقية
تتصل على الهاتف المصرفي وتقول لهم أبي اسدد سداد مبكر كم يصير المبلغ يعلمك الموظف
أو الرد الآلي
تأخذ المبلغ من أي شخص وتسدد سداد مبكر وتروح البنك وتاخذ قرض جديد راح يكون المبلغ كويس وكبير
ترجع للرجال المبلغ اللي أخذته منه والباقي تأخذه أنت
أتمنى تكون طريقتي مناسبة لك
تحياتي
يااخي نصيحتي لك اذا ماكنت في حاجة الفوس لاتاخذ قرض من البنوك ولاتقرب منهم
مشي حالك وخل حياتك طبيعيه والواحد مو لازم يدلع نفسه على سبيل ( دينه )
انت عارف ان قروض البنوك ربوية وصدقني لن تهنأ بمالك طالما انها ربا ؟!!
إلا ان يكون التمويل شرعيا مثل الراجحي او البلاد
في الحالة هذي خذ منهم لو يقولوا مليون ريال ولاتتردد
يقولون البنك
السعودي للإستثمار ياخذه فائدة 2.50 فقط
و الراجحي 4.8
و الامريكي 4.8
و الهولندي 6.5 أجرم بنك في العالم
و البريطاني 4.5
و الله يعينك على القرض
لكني انصحك بالسداد المبكر لكي تتحكم في مصير نسبة الفائدة إذا كنت في الراجحي
أما إذا كنت تريد إعادة تمويل سوف تجد منهم الويلات في التحكم في نسبة الفائدة و رسوم و خرابيط و نصب
أما إذا كنت حر سوف تلطمهم بلجام من حديد ،
بالنسبة لي عملت سداد مبكر عند الراجحي و خليتهم ينزلون الفائدة من 4.8 الى 3.6 لأني كنت اهددهم بنقل راتبي
الى بنك آخر ، و نجحت الخطة عن طريق السداد المبكر ، لذلك أنا انصحك بالسداد المبكر .
بالتوفيق أخي الكريم
بسم الله
وعليكم السلام ورحمة الله وبركاته
اخوي العزيز تكفى طلبتك حاول قدر الامكان ماتاخذ تمويل
لاتسوي غلطتي واصبر على الشدة لين يجيك الفرج
وإذا كان ولا بد ومضطر تاخذ ترى طريقة الاخت مهايا صح
انا سويتها قبل سنتين حلوه وهي افضل الحلول بس دور على احد
مقرش كاش.
الاخت مهايا للمعلومية البنوك تاخذ فوائدها في أول ثلاث سنوات
من القرض يعني السنتين الاخيرة مبلغ التسديد بدون فوائد هذي بنوك
شغلها مدروس
وانا اتكلم من تجربة شخصية
>>>>مافيه طريقه ماسواها
.
الله يوفق الجميع
اقتباس:
|
مهايا
وعليكم السلام ورحمة الله وبركاته هلا أخوي أنا بقولك طريقة كويسة لأني لمحت من كلامك أنك تريد مبلغ كويس شوف أخوي أنت تقول أن باقي لك سنتين لأن مر عليك ثلاث سنوات هذا إذا أنت قرضك خمس سنوات الطريقة هي أنك تبحث عن شخص يمون عليك وتمون عليه أخوك ابوك أختك أي شخص يملك مبلغ لديه أنت شوف كم باقي المبلغ الباقي لك من قرضك السابق مثال بقى عليك 40 ألف لو تسدد سداد مبكر راح تطيح عليك الفوائد حقت السنتين الباقية تتصل على الهاتف المصرفي وتقول لهم أبي اسدد سداد مبكر كم يصير المبلغ يعلمك الموظف أو الرد الآلي تأخذ المبلغ من أي شخص وتسدد سداد مبكر وتروح البنك وتاخذ قرض جديد راح يكون المبلغ كويس وكبير ترجع للرجال المبلغ اللي أخذته منه والباقي تأخذه أنت
أتمنى تكون طريقتي مناسبة لك
تحياتي |
السلام عليكم/
انا اخذت قرض جديدمن بنك البلاد واليوم رحت لهم باقي تعريف بالراتب وتكون المعاملة كاملة ان شاء الله 0 وانا مع رأي الأخ/مهايا 0 اوسوي مثلي دخلت جمعية ورحت للبنك السعودي للأستثمار وأعطيتهم اللي باقي لهم 39851ريال وطاح عني حوالي 2300 ريال فقط 0 الله يكون بعونك وعوننا وعن كل مسلم0 وهذا حال المعلمين من قرض الى قرض ويا قلب لاتحزن0 حسبي الله على من أكل حقوقنا
تقبل مروري
اذا كان حسابك بالراجحي هددهم بنقل راتبك على بنك اخر
راح يتصلون عليك ويتحببونك انك ما تطلع منهم
وبهذه الحال راح يعطونك نسبه اقل وبدون رسوم ادارية
وانصحك بطريقة مهايا فهي الافضل
