الوسم: الامانة

يعني المفروض ان الواحد خلاص يمشي جميع الطلاب ويسنع اموره ولايتقعد للطالب لأنه ماراح يشكرونه ادارة التعليم ولا المدير بالعكس راح يمسحون فيه البلاط ولا المشرفين الي يجون المدارس كأنهم عارضات ازياء …………..يعني خل الامانة والذمة في البيت وداوم يعني طالب يجيك يقول ابغى درجة قول خذ 10 ومنها تكسب الطالب والمدير والمشرف والادارة بنفسها وهي اصلا الدرجات من جيبي لو تكسرت زجاج سيارتك يامعلم ملقيت من يعوضك لا مدير ولا مشرف ولا ادارة هذه بس نصيحة لاخواني المعلمين والامور بتمشي بك ولا بدونك فلا تسوي فيها المعلم المتميز مشها يارجال؟؟؟

---

*************************

هههههههههههههه

عارضات ازباء << اللهم اني صايم

المشكلة لما يجيك المشرف ويتفلسف على راسك
واعمل ولا تعمل وقل ولا تقل
ولو قلت له اشرح الحصة وعلمنى قال اسف ما اقدر
بالله عليكم وش يدل هذا علية

دمتم في رعاية الله

شـكــ وبارك الله فيك ـــرا …

المشرفين .. قليل منهم من يرتقي بالمعلم

حسبنا الله ونعم الوكيل يافهد ان الله يحب اذا عمل احدكم عمل ان يتقنة . ياخي نغش من نغش انفسنا نغش مستقبلنا نطلع جيل فاشل لا والله والف لا لو اشتغل ببلاش ماغش امتي وللاسف انا الاحظ نتائج من يحملون فكرة خل الذمة في البيت انه يصل طلاب الى المرحلة الثانوية لا يجيدون القراءة والكتابة والله لقد رسب عندي طلاب في المطالعة والتعبير وقد سبب هذا الامر احراج لمدير المدرس ولمعلم القران طلاب لا يعرفون القراءة والكتابة وينجحون في باقي المواد المهم ان الموضوع استدعى حضور الموجه وانا اصريت على موقفي فطلب مني الموجه دفتر التحضير وكشف الدرجات لكي يبحث عن اي خلل لم يجد فقال لي طيب الطلاب الراسبين وش سويت معهم طول السنة فقدمت له مظروف كبير جداً وداخلة اوراق كثيرة كتب الطلاب عليها ايات من القران ومواضيع اخرى بلنسبة للتعبير يعني قلت اوضف كذا مادة في موضوع كتابة الايات منها اجر وكتابة وقراءة وكذلك جعلت الطلاب يستخرجون الافكار الرئيسية والجزئية ودتوينها في الاوراق المهم مالقى شي ونسحب بشويش ولا حتى كلمة شكر او رد اعتبار لان مدير المدرسة مصدق حتى وان تم تبراة المعلم المهم ان السبب ليس فقط في من يخلون الامانة في البيت من المعلمين بس ايضاً من المسؤلين عن التعليم فكبف ان يستطيع المعلم متابعة الطلاب المتعثرين امثال اللي وصلوا عندي وعند المعلم 24 حصة والله العظيم هناك صعوبة بالغة اضف اىا ان هناك اعداد كبيرة داخل الفصل اضف انه لا يوجد وسائل تعليمية جيدة ولا فصول جيدة ولا بيئة جيدة فكيف لنا ان نعمل على اتقان العمل واخراج جيل صالح يمكن ان يستلم من المستقبل هــــــــــــــــــــــــذا سؤال لكل مسؤال في هذة الدولة وارجوا ممن له اتصال مباشر باحد شيوخ الافتاء ان يفتينا في ذالك

بالنسبة لي ولله الحمد . . .

أقوم بعملي ( حصصي ) بالشي ألي يرضي رب العالمين . . لتحليل الراتب . . .

حتى لو ظلموني واستقطعوا من راتبي ما هو حق لي . . .

فهذه أمانة أسأل عنها يوم القيامة . . .

بغض النظر عن التعب النفسي الذي يلحقني من سلب حقوقي . . .

رد الظلم بردعه وليس بظلم يساويه تحياتي ايها الشقي .

غلط ونا خوك هذولي بنتحاسب في الدنيا ولا في الاخره معاهم .
لكن الطالب اعطه حقه ماله ذنب .

ليس غلط الرجل معه حق وهذا ظلم والظلم يرد بظلم مثله اما السكوت وتحمل الظلم فهو ليس من شيم الرجال وارجو ان لاتقول على الله بغير علم والله امتدح الذين لحقهم ينتصرون