هوشات البنات (جميل جداً و مضحك)

إليكم الموضوع

وحبيت أوريكم نمااذج من مضاربات بنات الأهليه والحكومه

طبعا بنات الأهليه مضارباتهم ماتتعدى الكلام
كل وحده تخااف على تسريحتها لاتخترب يااااااااااي

والميك أب لايسيح وبلوزتها الماااركه لايصير فيها شي << يااي بقووه بعد

نبدا مع الآنسه ميمي : أنتي من سمح لك تقولين أسراري لصديقاتك ؟؟

فوفو: انتي اللي بديتي يافتانه ..

ميمي : ماتوقعتك كذا ياحقيره << مسبة بناات الأهليه الشهيره

فوفو : انتي كيف تتجرأين تقولين لي هالكلمه .. انقلعي المعفنه

ميمي: أنا معفنه ياأراقوز <<< اوووووو عصبت البنت

فوفو : أنتي الأراقوز ياللي ماتعرفين تلبسين.. شوفي بلوزتك يااااي بالمرة مالهاداعي

ميمي :خلاص روحي عني لاتكلميني أنا عن جد معصبه << قفلت معها

فوفو: ياجبانه ههههههه يامسكينه دايم تضحك علينا وتقول لبسها كلو ماركه كشفتها الكذابه <<حمت الهوشه

وتقوم ميمي وتكب الببسي على فوفو << أف خطيره والبنات كلهم بصوت واحد يااحرام تسريحتها خربت..

وبعدين كل وحده تاخذ لها زاويه وتجلس تصيح ولا رجعت البيت تكملها في حضن ماما

جينا لبنات الحكومه

طبعا أمة محمد تجتمع ويشتغل التصفير والتصفيق وحـــبـتــين وكل وحده معاها فزعه ولاهوشات العيال في الحواري

عهود :فكوووني عليها والله لاخذ حقي منها والله لربيك يا…طيييييييط طيييطييط…(مشفر) تخريب تون على غفله

مريومه :والله شكلي أنا اللي بربيك ولو بنت أبوك صدق مدي يدك والله لكسرها لك

عهود :ماجابتها أمها اللي تكسر يدي .. فكوووني عليها

ويبدا شد الشعر والترفس وكل وحده تسدح الثانيه والشعب يصرخ << عااشت عهود اضربيها تصفيـــــــــــــــر أووووووووووووووووووووووووو ووووووووووو ووووووووووووووو

وتطلع أنوااع الكشش واللي شعرها سلك موااعين الله يعينها تحاول تربطه بشتى الوسائل والطرق بس مافيه أمل

وساعات توصل للرضوض والجروح والطعون والأبله اللي مستغنيه عن مستقبلها المهني تفك بينهم (عن نفسي أقول معلمة قديرة اللي تفك بينهم )

وبعدين ياخذون تهزيئه من المديره في الطاابور وكل وحده فيهم فاتحه الفم وتضحك وتحيي الجمااهير الغفيره اللي حضرت الهـوشه