قصيدة من اجمل ماسمعت من شاعرة عملاقه
طبيعـة و الطبيعـة لا تطبعنـا بهـا زانـت
بلا ذيك العلوم اللـي تشيّـب راس راعيهـا
ردي الفعل بين الناس منه الناس قـد عانـت
يا كيف يجوز أبو طبع ٍ عن أفعال ٍ يسويهـا
تريّث لا تعجل تـو مواريهـا بكـم بانـت
يا كم شخص ٍ لقى له من حلاله علة ٍ فيهـا
صبرت الين صبري باح و حزة ساعتك حانت
و لا تحرق لهيب النار سوى رجلين واطيهـا
و خلك مع تصانيف الردى و الشك لا شانت
ترى من عاش بالحيله يوقّـع فـي بلاويهـا
أبد لا تطلب المخلوق لو دنياك بك خانـت
و لا يمكن تعزك غيـر يمنـى أنـت واليهـا
إذا لك حق عند اللي ظلوم ٍ نخوتـه هانـت
طلع خصمك هو القاضي حقوقك من يقاضيها
و اذا فارقت خلانك و لحظة بعدهم حانـت
تغرب و احفظ الواجب و لا تنسى مباديهـا
و لا لك عذر دون الوصل للأرحام لو بانـت
حبال الوصل لا تنسى حياتك ما مضى فيهـا
ألا يا خوي يا ابن ابوي ترى الظهران لو زانت
حجاز العز لك فيها حبايب و انـت غاليهـا
