السلام عليكم ورحمة الله وبركاته / يا شباب بدخل بالموضوع علطول أنا محضر مختبر وهذي ثاني سنه لي للأسف السنه هذي صرت عند مدير ناشب لي البدايه يبغاني أصير وكيل وانا والله ما درست عشان أصير وكيل والى الان يضيق علي , أعطاني الاذاعه الصباحيه وصرت أدور على الفصول أخذ من يشارك بالاذاعه وصرت أمسك وكاله يوم السبت والاثنين والاربعاء من بعد الساعه 9 بسبب أن الوكيل يخرج في هالايام مدري وش عنده ظرف أودراسه أو مدري وشو , وللأسف زياده على ذا كله اجتمع فيني الاربعاء في مكتبه يقولي أنت ما تشتغل واذا ما رح تشتغل ما رح أحتاجك وبطلب من مكتب الاشراف ينقلك الى مدرسه ثانيه أنا صراحه خلاص ودي أنقل من عنده طفشني بس بفهم القوانين يقدر ينقلني الى مدرسه أنا أبغاها ولا بمزاجهم وخلاص وأبي أفهم لو عاندت ورفضت كل شي وقلت بشتغل بالمختبر بس له صلاحيات تضرني فيه ناس تقولي بينشب لك بالمختبر وكل شوي على راسك مشرف أفيدوني تكفون لأن وبكل صراحه هالانسان عيفني حياتي ومهنتي ..
وقله اعلى ما في خيلك اركبه والله ما يقدر يسوي لك شي انا زميلك فالمهنه وعارف كل الكفت حق المدراء يريدون محضر المختبر يكون مراسل ـ وكاتب ـ ووكيل ـ ويمسك انتظارـ لان عندهم نقطه واحده في النظام تقول ان المدير
يقدر يكلف اي معلم فالمدرسه بأي شغله يراها تخدم المصلحه التعليميه ولاكن قل لهم تبطون عظم انا الي كلمت المشرف حقي وسألته هل اشتغل مع المدير لانه يكلفني بكذا وكذا قال بكيفك هذا راجع لك ولا يقدر يضرك بشيء اذا كنت ما تريد تشتغل معه ….. واعذرني على الاطاله وشكرا
يالسمي كيف حالك وحال جميع المحضرين ،،
من خبرتي في المختبرات وتنقلي من مدرسة لمدرسة انصحك ما يلي /
1- ان تشغل نفسك في المختبر وتكون بقدر الامكان متواجد فيه ما عدا وقت الفسحه مثلا
2- حاول بان لا تظهر نفسك عند المدير بكثرة حتى لا يجدها فرصة ويشغلك .
3- ولنفترض انه اشغلك بشغله فاعتذر منه باسلوب (( والله يابو فلان عندي شغل ضروري في المختبر ))… عن اذنك .
طبعا في البداية تكون صعبه عليك لانك معودهم على اعمال الادارة ولكن مع الوقت وعند قيامك باعمال المختبر راح يعذرك وان ما عذرك فليس له حق بان يشغلك في غير المختبر وذلك من كلام المشرف عندما يكون عند المحضر عمل في المختبر فهذا اساس عمله ولا ينبغي له ان يشغلك في امور غير المختبر الا اذا انت حاب ان تفزع معاه وتشعر انه يقدر عملك فلا مانع من المساعده ..
والله يوفقنا وياكم وجميع المشاهدين …
نصيحتي لك ومن خلال تجربة قارب الخمسة عشر سنه في التعلوم
أن تشغل نفسك في المختبر حتى لو كان وقتك فاضي
وان تحاول كسب المدير ببشاشة الوجهة وتقوله يابو فلان ابشر في أي شغل لك تحتاجه من الأشراف او الاداره اما مسالة اكون وكيل صعبة جدا و تعتبر نقطه سلبية على المدير لاني في الاول والاخير محضر وساحاسب على ذلك فأعذرني
لكن ان تلقفت وقبلت بالموضوع الله يعينك على الكرف
الوكيل على المستوى الخامس وانت يالطيب على الثاني فكل يشتغل على حسب راتبه
إذا لزم عليك بالوكاله وما نفع معه الطيب مالك إلا حل واحد وبسيط جدا حتى لو كنت باشرت الوكاله
قل للمدير عطني تكليف من مكتب التربيه (مكتب الاشراف سابقا) تكليف رسمي وابشر بلي يضبط لك الوكاله
طبعا بينحشر في زاويه ويضحك ببتسامه صفراء ويقول ان شاء الله
طبعا من المستحيل يوافق مكتب التربية لان المحضر لا يكلف باعمال ادارية
فكذا تكسب المدير ولا تخسره لانك في الاخير تحتاجه للاسف .
على فكره كنت مكروف مثلك حتى طلبت من المدير تكليف رسمي وبعدها فحط المدير وعطاني تكليف بالمختبر ههههه
وأهم شيء تكون سجلاتك كامله وكذلك الملفات الخاصة بالمحضر عشان اذا جاء مشرفك ما يحصل عليك منفذ ,,,,,,, اما تكون لعاب وبعد الثانية تضرب الباب فالله يعينك على قبول اوامر المدير
وفقك الله ورعاك
ولا تحتك مع المعلمين طنش ولا احد يعرف عنك شي انت ويش شغلك ( وتخصصك )
واشترط على المدير انك تخرج على كيفك ؟ اذا وافق على شرطك؟ فانت اصبحت المدير ؟
و تكون منصرف من المدرسة كل يوم الساعة(((((((((( العاشرة ))))))))))))
(((((((( واذا ماتبي كذا فهناك تعميم بعدم تكليف محضر المختبر باي عمل ))))))))))))))))))
مرتاح ولله الحمد 17 سنة في التعليم ومقفل المختبر وناسي الوزارة كلها
