السلام عليكم ورحمه الله وبركاته
بالله وبجد وبضمير يابنات الرجال راضين على وضع القسم اليومين ذي ، قسم بالله صارت نفسي تنسد من التواجد هنا ،، واحس اني قريب بطق من القهر !!!!شايفين مهازل المواضيع؟؟
شايفين موضيع سطر ونص اللي غزت المنتدى بشكل مريع مثل غزو البضاعه الصينيه من الدرجه الثالثه ؟؟؟؟
بصراحه مشكله المشاكل ان خريجه تزل موضوع من جملتين ، ليه اول مرة تشوفين منتدى؟ والا الي منزله وش تتوقعون تكون الوظايف ؟؟
والا الي منزله فلان قال وفلتان من الناس قال ،، ياأمي اصحي وغير الوزير او احد من طرفه بالرياض لاتعتمدين عليه ، بالمنطق انسان مقلوع قلعه وادرين
تبينه يكون على اطلاع بخبايا وزارة التربيه؟ بالعقل لو كان فيه خير كان مانقلع باخر الدنيا !!!!!
اتمنى من الجميع وخصوصا الجديدات ، لاني ملاحظه الحركات ذي كلها من بعض العضوات الجديدات ، تكون قد المسئوليه وتحترم اننا تربويات قبل لانكون خريجات
وان المنتدى هذا ما فتح الا ليخدم قضيتنا ، والا فيه اقسام كثيرة ثانيه للدردشه وللوناسه وللتوقعات وللقال والقيل وللطم وسرد المعاناة الفرديه
كما اتمنى من العضوات القديمات عدم رفع تلك المواضيع المبتذله ، فوالله اني لاعتب على العضوة التى تقوم بالرد على موضوع لايرقى للمستوى
اكثر ممن طرحت الموضوع ، فما يحصل في قسمنا يؤذينا وبشكل كبير ، كيف تريدون من الاخرين التضامن وانصافنا ومواضيعنا مشابهه لدردشه الفراشه وحواء؟؟
:
:
اتمنى ممن تكتب ان تكتب لتضيف ، واتمنى ممن ترد ترد لانها معجبه بالطرح وليس مجامله ،
والا سيكون الحذف مصير تلك المواضيع
وفعلا ملاحظة اناا اليوم مواضيع مدري وش تبي ؟؟؟؟؟؟؟؟؟؟
لاهنتي
