تغيير الأسم ووثيقة التخرج

---

اختي انا مثلك مغيره اسمي راح زوجي لاداره التعليم بدمام وطلبو منه ورقه تعديل من الاحوال تثبت كلامنا بعدين وداها لاداره التعليم صورو الشهاده وحسن السيره والسلوك وورقت الاحوال وكرت العائله الجديد وارسلوها الرياض معامله رسميه قالو له اذا جاى التقديم نعطيك ورقه من اداره التعليم تثبت انها مغيره اسمها وتقدم بسمها الجديد ارجو انك فهمتي علي واي استفسار انا حاضره

مشكوره اختي على التوضيح
لكن الأسم لا يتم تعديله على الشهاده ؟؟
وليه ماعطوك ورقه في حينها من التعليم تثبت التعديل
وعند المراجعه هل يجب أن اراجع إدارة التعليم التابع لها المعهد الذي تخرجت منه(الباحه)
ام إدارة التعليم التي انا موجوده بها حاليا(مكه)
ولك خالص الإحترام

حبيبتي انا غيرت اسمي وكمان عدلته على جمييييييييييييع شهاداتي من الابتدائي الى التخرج تروحي لادارة التربيه والتعليم للمنطقه اللي متخرجه منها وهما يرسلوكي للمدارس اللي درستي فيها ويعدلو الاسم على جميييع الشهادات هذا اللي صار معي ويصدقوها

هههه وش قصتكم يابنات المعاهد حتى انا مغيرة اسمي
ومافكرت اغيره بشهادة المعهد عندي مشهد من الاحوال اعتقد انه يكفي
وقت التقديم لاني يوم غيرت اسمي وتعاقدو معي واعطيتهم المشهد تعاقدو معاي عادي بالاسم الجديد

خخخخخخخخخخخخخخ على بالي انا الوحيد اللي مغيره اسمي طلع معي شله

مشاء الله تبارك الله كلكم مغيرين أسمائكم مثلي
وش السالفه لا تكون أسمائنا القديمه شينه

وانا كمان مغيره اسمي ويش السالفة ؟؟؟؟
سألت عن الحل قالوا لازم تجبين شهاداتك (سادس- اول متوسط – ثاني متوسط – ثالث متوسط – اول معهد – ثاني معهد – ثالث معهد) وترسل للمنطقة التي تخرجتي منها مع كرت العايلة قبل وبعد التعديل وكمان ورقة التعديل
ماحصلت الشهادات السابقة قالوا صور منها تكفي وانا راح ارسلها خلال الاسبوع هذا ان شاء الله.