ابي انتسب بالجامعه ومنعوني ادارة حفر الباطن:(

السلام عليكم ورحمة الله وبركاته

معلمة مؤهلي دبلوم ومن سنتين احاول انتسب بالجامعه ويرفضون ادارة التعليم في حفر الباطن لانهم حاطين شرط صعب وهي يسمح لمعلمة واحده لكل عشر معلمات في المدرسة

وبما أن عدد معلمات مدرستي 22 وعدد المنتسبات 2 لايحق لي التقدم بطلب الانتساب فكل مره ترفض مديرة مركز التدريب والابتعاث تقول لازم يصير عدد معلمات مدرستكم 30 !!

وامامي 3 حلول يا انتظر يخلصون المنتسبات واسابق الباقي واقدم بطلب الموافقه !
او انتظر يجينا 8 معلمات وهذا مستحيل لأن نصابنا من المعلمات لايتعدى 22 !

او انقل مدرسة ثانيه مافيها منتسبات وبرضو صعب لأن المدرسة قريبه من بيتي وكمان ما اضمن النقل !

ساعدوني هل يحق لهم منعي من الدراسة بوضع هذا الشرط ؟

وكيف اتصرف ؟

---

هل النظام كذلك أم انهم قاعدين يصرفونك

شوفي بنت الحلال الكلام اللي يجمد على الشارب
هل انتي صاملة وتحسين انك تستفيدين من الانتساب ماديا أو وظيفيا

في حالة كون النظام معك كلمي محامي يرفع عليهم قضية في ديوان المظالم ومير تشوفينهم مثل الدجاج يخافون ههههههههههههه

إذا كسبتي القضية يعطونك أتعاب المحامي حتى لانهم تعسفوا معك

ردهم علي انه من صلاحيات المدير يرفض

راجعي الإجراءات والأنظمة

ولايهمك مدير ولا وكيل

النظام كالتالي:
يسمح الدراسة بالانتساب بشرط احضار مشهد بحضور الامتحانات من الجامعة او الكلية ؟
أصلاً ليس لهم حق بالمنع فقط لهم حق التدريب باعطاءك موافقة بالدراسة المسائية او الانتساب من اجل اعتماد المؤهل بعد التخرج
أنا حصل معي واخذت المؤهل واعتمد

تخبطآت
النصآر .. والرحيلي .. ولآ جديد
إدارة حفرالباطن سيئة جدآ وغير متفهمة لذلك أعانك الله أختآه
عليك بحرف الوآو .. ف الأمر أختي يخص مديرة التدريب ..
كونها تستند إلى نظآم يمكن التجآوز عنه كون المنتسبات فقط 2
وددت أن أفيدك

انا مشكلتي كلها مع مركز التدريب رفضو يوقعون لي ويرفعونها للمدير
الموافقه رفضو يعطوني اياها مركز التدريب يقولون لازم هالشرط مانوافق لك الا اذا غيرتي مدرستك بمدرسه مافيها منتسبات !

ومن وين اجيب الاجراءات والانظمه اذا هم يقولون هذا النظام؟