كارهه المدرسه والسبب مديرتي :(

وين اشتكي مديرتي ؟؟

هل يحق لها الاحتفاظ بالالات التصوير في الاداره ومنع المعلمات من تصوير اسماء طالبات المدرسه علماً ان عدد طالبات المدرسه 890 تقريبا

ومطالبتنا بحبر الة التصوير والورق اذا طلبنا التصوير داخل المدرسه تخيلو نرسل الحارس يصور لنا من المكتبه والمديره حاجزه الالات التصوير عندها والله احس اني بنفجر من القهر…

الحبر والورق من مالها الخاص او من ادارة التعليم ؟؟

واذا كان من ادارة التعليم ليه تمنعنا وتطلب قيمة الحبر والورق ؟؟

والله نحتاج تعميم يعطينا حقوقنا داخل المدرسه وينصفنا على مديرات مثل مديرتي .


يانبض الله يعينك

انا اختي نفس حالتك تصوير وغيرة وغيرة وغيرة من خارج المدرسة

اقول لها اشتكو اضربوها مافية فايدة

ابفهم فلوس المقصف والصيانة ووين تروح

ارجو من الاخوات والاخوان افادتنا هل طريقة المديرة نظامية ام ان هناك اجراءات يجب ان نتخذها

عادي اغلب المديرات بهذا الشكل
يقفلون على الات التصوير
يطالبون بفلوس الحبر والورق
يجمعون راتب لمدخلة البينات من المعلمات
والمعلمه التي ترفض تحارب في المدرسه بشتى الطرق يهني اكبر جدول وانتظار يومي
وهذا يكحصل في مدارس البنات فقط لان المديرات يبقين في مدارسهن لمدة قد تصل الى 20 عاما او اكثر
حركة نقل المديرات لاتتم كل اربع سنوات مثل المعلمين ولذلك نرى التعامل بفوقيه متسلط من اغلب المديرات
هذا لايمنع من ان هناك مديرات رائعات ولكنهن قله للاسف .
يجب ان تشكوها للموجهه الأداريه
أي اوراق خاصة للمدرسة تصور في المدرسة ولها جزء من ميزانية المدرسة
الساكت عن حقه شيطان أخرس
يا أخوات .. يامعلمات .. يافضليات وفقكن الله وأعانكن على بلاويكن هل تعلمن لماذا يعملن كثير من المديرات معكن هذا التصرف ؟! ويتعاملن معكن بهذه العنجهية ؟! .. أنتن السبب نعم أنتن السبب جعلتن المديرة شبح يرهب جميع المعلمات .. المديرة معلمة لا راحت ولا جت مثلها مثلكم .. والمديرة إللي تعمل معكن هكذا تصرف طيّحوا وجهها في الا حتفالات ومناسبات المدرسة خلوها تشتغل لوحدها مو تجعلكن شغالات لها وهي تسومكم سوء العذاب.. وللي تمنع عنكم آلات التصوير وقفوا جميع الأعمال من متابعة وغيرها وشوفوا إيه إللي بيحصل .
انصحكم بالابتعاد عن المواجهه واثارة المشاكل

وسعة الصدر خصوصا في مهنة المتاعب: التعليم

المدرسة مسؤولة عن تأمين حتى الوسائل التعليمية واقلام السبورة وصيانة ونظافة المدرسة

عدد طالباتكم ٨٩٠ هذ يعني ان دخل المدرسة فوق ال١٠٠ الف

مالها حق تمنع التصوير ويييييييييين فلوس المقصف ؟؟؟؟؟؟؟؟؟؟؟
ولاكن مشكلت المعلمات مايتفقن في موقف واحد ضد المديره المتسلطه مثل المعلمين , لذا يستاهلن الي يصير لهن مع عذري الشديد بس هذا مكمن المشكله الحقيقي
وأقترح ان توعزين لــ زوجك او اخوك يشتكيها على مدير التربيه والتعليم ويشرح له الموضوووع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.