ماقصرت يابو متعب نخيناك وعز الله اوفيت

بسم الله الرحمن الرحيم
تحياتي لجميع المعهدياتي تذكرت يوم كتبت القصيدة لولدنا الكريم ابو متعب نناشده بالنظر لحل قضيتنا وسبحان الله بعدها بفترة وجيزة جاء القرار السامي وطالتنا المكرمة من لدن خادم الحرمين فأحببت ان اعيد ذكرى تلك القصيدة واقول مليون مرة تستاهلها يابو متعب ماقصرت
لا قلت يابو متعب قالها الخير لبيه *
*اطلب تمنى و شوف قدر العطية*
*يا ناخين عزك في قلب راعيه *
*ابشر بوجه السعد و المكرمية*
*كم هي كريمة بالعطايا اياديه *
*تشهد لها بالخير كل البرية*
*جينا ابونا طيب القلب ننخيه *
*حنا انظلمنا و الظليمة قوية*
*حنا ندور حقنا وين اراضيه *
*كلن نحرنا و الايادي خفية*
*قبرالمعاهدقاسي الظلم طاويه *
*قبل نموت وين حل القضية*

---

صح الله لسانك وبيض الله وجهك
ابو متعب راعيها الله يطول في عمره

صح لسآنك
ربي يحفظك
ويحفظ آبو متعب
جعل الله كل مايقووم به في ميزآن حسنآته

صح لسانك

ابو متعب مايجي منه القصور …البلاء في المسؤلين اللي يخونون الامانة في نقل معنات الشعب اليه وفي اداء المسؤليات الملقاة اليهم

صح لسانك ياختي ويليت تكتبين ……قصيده ثانيه …….توضحين فيها ان نصف الظلم مانرفع عنا ..وتناشدين فيها ابونا الملك الانسان ……..ان ينصفنا من هذه الوزارة الظالمه …….التي عينتنا على غير الدرجة المستحقه لنا …….اتمنى لك التوفيق والنجاح في كل حياتك ……..

صح لسانك .. الله8 يخلي لنا ابوو متعب

يعطيك العافية على هالقصيدة الرائعة والله يخلي لنا ابومتعب .