كثرة الإشاعات زادت الإتصالات

السلام عليكم
اخواني كثرة الإشاعات عن حركة النقل والوزارة هذه مهي مهتمه لا في معلم و لا في طالب .. هم لغوا الحركة الإستثنائية وضموها مع الحركة الأساسية .. واول قالوا ان الحركة تصدر الفصل الأول وبعدها تكمل الفصل الثاني في المدرسة المنقول انت لها .. بعد كذا قالوا للمحافظة على الحركة التعليمية يتم النقل في المدرسة المنقول لها السنة الجديدة .. والحين منزلين تعميم النقل مبهم (( تصدر الحركة للمعلمين في شهر 3 )) ياسلام احد يقول في يوم كذا وكذا .. مو في شهر كذا .. وبعد حرق اعصاب المعلم وهو ينتظر لمدة شهر و متوتر و ين المحافظة على الحركة التعليمية مهو المعلم جزء مهم في الحركة التعليمية .. وبكذا التوتره ذا ينعكس على الطالب

المهم يا اخوان معليش اني طولت عليكم .. اليوم اتصلت على الوزارة ماعندي دوام اليوم الا هم .. الين طفشت وانا اتصل من تحويلة لتحويلة .. حتى في الأخير اتصلت على السنترال قلتله يا اخوي حولني على تحويله يردون علي .. حولني وأخيرا رد علي موظف .. قلتله والي يرحم والديك متى تصدر الحركة للمعلمين قالي ما عندنا علم قلت تكفى يا اخوي قال .. احتمال 50 % انها اليوم

فإن شاء الله تكون اليوم وتكون حركة كبيرة لكل التخصصات

وشكرا

---

انا من الساعة 8.30 إلى الآن مافيه رقم ولا تحويله إلا دقيت عليها ، حتى أني إتصلت على إدارة الرياض ومكاتب التربية التابعة للرياض ..

وكل الخطوط (مشغوله)!!

ربي ييسرها ويفرجها لنا جميعاُ

امكن ليش لا امكن الحركة اليوم حسب ماوصلني أنها جاهزة ناقص بس ظغطة زر وانتهينا عسى الموضوع فيه خيره

معهم حتى اذان العصر والرد عندي ولكن لكل حادث حديث …

حسبنا الله سيؤتينا الله من فضله إنا الى الله راغبون

ماقول الا عنوانك رهيب احس انه اللي حاطلك العنوان هندي يااخوان الحقوووووو المنتدى يحتضرررررررررررررررر

انا وضيف اليوم ماراح نرقد الى العصر ونشوف نهايتكم انتم ووزارتكم