السلام عليكم ورحمة الله وبركاته
الى جميع اعضاء المنتدى ……
تكفون ساعدوني احسني مره خايفه لاتقولو تونا مخلصين
من المدرسه.
انا ثاني علمي وطالعه ثالث ويش
رايكم في نسبتي اختي مره محطمتني تقول مي حلوه
ونسبتي 90 بس والله اني اذاكر وتعبت بس اللله يعنا على ثالث
واسال البنات الي بثالث يقولو مرررررررررررررررررره
صعبه وكمان القدرات والتحصيلي مره مره صعبه وخايفه تكفون
ريحوني الي لها
تجربه تفيدنا يبنات ثالث وكمان المعلمات
ولو جبت نسبه في ثالث ان شالله
95 احتمال كم تصير مع نسبه ثاني
ولكم جزيل الشكر
ولا تشيلي هم شيء ما حصل
وكلي امرك لله واحسني الظن به
وتفائلي بالخير تجديه
لو فكرتي من بداية العام بقدرات وتحصيلي كيف حيكوز تركيزك في دراستك
وبالنسبة لو كانت نسبتك بثالث 95 وثاني 90 بتكون نسبتك الكليه
95+90= 92.5
والجامعات تقبل إلى اقل منها
اجعلي كل همك في الحصول على نسبة مترفعة ولا تفكري باشياء سابقة لوقتها
وربي يوفقك وجميع الطالبات لكل خير
ويعطيكم العافيه
والتحصيلي والقدرات مره سهلة والله وأنا مجربة لاحد يحطمك
وهذا قدر الله انك تجيبي 90 وسنه ثاني راح ترتفع انشاء الله وتصير 95 واكثر
المهم افرحي بنسبتك ولا تشيلي هم با العكس جدا حلوه مشاء الله
وسنه ثالث اسهل من ثاني انا نسبتي بثالث اطلعت احسن من ثاني بكثثثثير
لايهمونك الي يقولون ثالث صعبه وراح تنزل و … و … و … و ..~
وربي يوفقكـ ..~
كل الود
طوق البنفسج ..~
ومع ثالث ان شاء الله ترتفع ولا يهمك اللي يقوول ثالث والقدرات صعبة
بالعكس حتى انا سالت عن ثالث علمي كلهم قالوا سهلة وبسيطة مع المذاكرة اول باول لا تشيلي هم…..
وانتي ترا اذا حطيتي شي ببالك انه صعب راح يجي صعب
تفاءلي اختي وتوكلي على الله وفوضي امرك له
والله يوفقك….
