بسم الله الرحمن الرحيم
السلام عليكم ورحمة الله وبركاته
أريد من كل خريجة دبلوم والمسجلات في موقع الوزاره الاتحاد في الارسال ببرقيات الى قسم تحت المجهر وشرح معاناتها في الترشيحات والمطالبه بحقنا في الأولويه في تدريس الابتدائي
ما ابي تسويف ابي قول وفعل وبطلوا اتكاليه ومماطله خلونا نتحد حتى لو طال بنا الزمن اهم شي ناخذ حقنا ولا تنسون الاستغفار والدعاء وكل شيء بيد الله
خطوات المطالبه :
1- اللي مسجله في موقع الوزاره تتوجه الى قسم تحت المجهر
واكتبي اسمك وسجلك المدني واشرحي معاناتك في عدم ترشيحك والمطالبه بحقك في التدريس
واكتبي اسمك وسجلك المدني واشرحي معاناتك في عدم ترشيحك والمطالبه بحقك في التدريس
يستمر المطالبه لمدة اسبوع يعني من الجمعه هذي الى الجمعه المقبله من تاريخ 14 / 6 الى 21 /6
طبعا البرقيات هذي مجانيه لأنك راح ترسلينها عن طريق المنتدى
اذا ما نفعت وكان ردهم متماطل نرسل ببرقيات مدفوعه ونحدد تاريخ كذلك ويكون موحد
اذا ما نفعت كل البرقيات نسوي الطريقه هذي :
2- الاتصال او مراسلة الصحف المحليه ونذكرمعاناتنا عن طريقها وتكون هذي الصحف مثل صحيفة الرياض الجزيره وأثناء ذكرنا للمعاناة نتطرق الى موضوع معاناة معاهد المعلمات ترى بيخاف وزير الخدمه وبيقول خلاص نوظفهم ونفتك منهم قبل يوصل الموضوع لابو متعب الله يخليه لنا
3- اذا ما نفعت كل الطرق المذكووووره نوكل محامي شاااااطر ويا ليت تكون هذه الخطوه مع الخطوه الثانيه يعني مع نشر معاناتنا بالصحف و المواقع الالكترونيه
اذا ما نفع كل شي نروح نتوجه للملك حفظه الله وانا عن نفسي وبمشيئة الله وبعد موافقة ولي أمري ابرووح لأني زهقت وملييت وانقهرت وانفقعت كبدي << تعرف تعبببر
المهم مثل ما قلت لكم لا تجلسون تسوووفون
وعندي ملاحظه اذا طرحت قضايانا في المواقع الالكترونيه مثل سبق
ابي تفاعل منكم يعني بدل ما تكبتين رد اكتبي عشره وارفعي الموضوع بكثرة الرودود
وأكثري من عدد الزورا بالضغط لعدة مرات على أيقونة تحديث مثلا عشر مرات علشان يزداد عدد الزوار ويشد الانتباه
المهم نبي الحين نبدأ بالخطوه الأولى وهي مراسلة قسم تحت المجهر واللي ترسل تقول لنا بالمنتدى هذا
خلونا نحصي عدد المرسلات علشان نعرف اللي تفاعلت والا اللي تفلسف على قل سنع
للرفعععععععععععععع
لرفععععععععععع
هلا بك أختي وأنا معك
وخلاص مافيه وقت ضاعت أعمارنا وش ننتظر ننتظر الوظيفه وحنا جالسات !!!!!!!!!!!!
لازم لازم نتعاون
وأنا راح أرسل من الليله
وأنا معك أختى لازم نقابل الملك وبسرعه
وبالتوفيق للجميع
ننتظر باقي لدبلوميات
دبلوووميه معاي
من ترفع اصبعها علشان نحصي
ولازم يكون عددنا كبير
تكفون يا صبايا << وش قلتي صبايا راحت عليك قصدي يا حريم ^_^
يا الله نبي نتحد
ياليت تنزلي الموضوع في منتدى الوزاره في قسم الترشيحات
البنات هنا قليييييل
هلا والله متفائلة
وان شاء الله بنات الدبلوم مايقصرون وانا اولهم راح ارسل لتحت المجهر واغثهم الله يغثهم
انا اكتب في منتدى وزارة التربية والتعليم
وكتبت موضوع مشابه لموضوعك تقريبا وحذفوه
وبلغت البنات هناك اني كلمت مكتب المحامي الزامل وقال عطيني يومين وارد عليكم
ودي انزله بس تعرفين قوانين المنتدى هذاك معقققده
اكيد بيحذفون
على العموم بانزل الموضوع واللي يصير يصير