أفيدونا يا أهل الخبرة :::ماذا بشأن معلم في إجازة من العام الماضي ونقل ؟؟؟؟

السلام عليكم ورحمة الله وبركاته ..: :
ياشباب ويا بنات …
تحية طيبة وبعد :
أنا معلم واخذت اجازة ثلاث سنوات مرافقة مع زوجتي لغرض اكمال الدراسة ، وأنا الان في اجازة من شهر عشرة العام الماضي …
طبعا أخوكم تقدم للنقل السنوات الماضية كلها ، وعندي سنة التقدم كويسة ،،، اتصلت بمديري أيام تسجيل حركة النقل وقال : ( أنت ماتشملك الحركة لأنك في إجازة والنظام مايسمح برفع بيانات من كان في إجازة ، ولا نستطيع الرفع ببياناتك ) .. أنا متأكد أن كلامه صحيح واطلعت على اللوائح الخاصة بمن يحق له الدخول في الحركة وكان السبب اللي قاله المدير وارد من ضمنها ..

السؤال : لو باشرت أسبوع أو أسبوعين على نهاية الفصل الدراسي الحالي ، ثم أخذت إخلاء طرف مع العالم والناس .. وذهبت وباشرت في المنطقة الجديدة ثم أقدم إجازة مرة ثانية ..
فماذا يترتب على ذلك ؟؟؟؟
وهل تؤيدونني (( مع ذكر المبررات )).. أنتبهوا للنقطة هذي ..
لأن ظروف الدراسة ماتسمح لي أن أباشر إلا نهاية الفصل وماتسمح لي أستمر بعد رمضان أكثر من عشرين يوم ..

---

نصيحة مني :
سوي زي ماقلت ,باشر واقطع اجازتك وخذ اخلاء طرف نهاية الفصل الثاني, وبعدين داوم بداية الدراسة في الادارة الجديدة اسبوع وبعدين وبدون أي مقدمات قدم على إجازة استثنائية "مرافق" غصب عنهم راح يوافقوا ومن باب الاحتياط لا تقولهم انك كنت بإجازة وقطعتها .
اذا ماسويت كذا انسى شي اسمه نقل بتروح عليك سنة التقديم
لا تنسى إنك بتاخذ رواتب ثلاث شهور على الأقل إذا سويت كذا

فعلا انت واقعي من الواقع .. واشكر لك مشاركتي وتأييدي ..

بس إدارة التعليم السابقة ماراح يلاحظون أو يعترضون على ذلك …

ما أخفيكم أنا خايف من هذا النقطة ، وبيحتجون أنني نقلت وانا في إجازة ..

نظاماً يحق للمجاز إنه ينقل إذا كان يباشر السنة الجديدة في المكان المنقول له.
بالأول اقطع اجازتك وداوم يوم واحد بس وبعدين خذ اخلاء طرف زيك زي أي معلم منقول.
يعني شغلك نظامي ولا أحد يقدر يتكلم ولكن عشان تبعد من اجتهاداتهم الشخصية خل شغلك على الصامت يعني لا تقول إنك كنت بإجازة .

طبعا أنا قلت خمسة عشر يوما لأجل أنه متاح لشؤون المعلمين و للمعلمين نفسهم وأخص بالذكر الذي نقل ببيانات خاطئة أن يتقدم ويرفع اوراقه لشؤون المعلمين للرفع بها للوزارة خلال هذه المدة لإلغاء نقله ..