انا يااخواني معلم صفوف اولية هليحق للمدير اعطائي حصص لخامس او سادس ؟
ولكم جزيل الشكر
بخصوص الحصص اذا لم يلم يجد المدير
لبعض الحصص من يقوم بها وذلك اذا وصلت
انصبت معلمي الصفوف العليا 24 فأنت معلم
ويحق له زيادتك ببعض الحصص .
لان عندهم المعلم الي ياخذ 18 حصه جريمه يتم سحبه
انا معلم صفوف اوليه 9 سنوات كانت حصصي 18 حصه ماكان عندي لا خامسه ولا رابعه
اليوم نقلت لجده اعطاني 22 المدير 11 قراءة 7 قران 3 رياضيات وقلت له انا معلم صف قراءة وقران مايحق لك تعطيني رياضيات لان القراءة تبي شغل وتعب
مارضي الجبان لصقهن فيه رغم ان التقسيمه الي سويتها لها تعطي كل معلم 18 حصه لكن ماهو راضي
طبعا راح ادرس الرياضيات بس ماراح اهتم لها ولا احضرها يطرق راسه بالجدار
مدراء خوافين بجده بشكل غير طبعي
من تشتكي له مالك الا الله ينتقم منهم
|
أحمد900
اقسم بالله ان فيه نقص معلمين في جده يمكن 0الف معلم
لان عندهم المعلم الي ياخذ 18 حصه جريمه يتم سحبه انا معلم صفوف اوليه 9 سنوات كانت حصصي 18 حصه ماكان عندي لا خامسه ولا رابعه اليوم نقلت لجده اعطاني 22 المدير 11 قراءة 7 قران 3 رياضيات وقلت له انا معلم صف قراءة وقران مايحق لك تعطيني رياضيات لان القراءة تبي شغل وتعب مارضي الجبان لصقهن فيه رغم ان التقسيمه الي سويتها لها تعطي كل معلم 18 حصه لكن ماهو راضي طبعا راح ادرس الرياضيات بس ماراح اهتم لها ولا احضرها يطرق راسه بالجدار مدراء خوافين بجده بشكل غير طبعي من تشتكي له مالك الا الله ينتقم منهم |
والضحية هم الطلاب ..
قبل لا تنفعل اخوي انا عارف انه عندك اسبابك وعندك مبرراتك واللي اهمها يمكن تقول :
الرياضيات ماهو تخصصي ..
بصراحة المفروض محد يدرس الا تخصصه حتى لو كان في المرحلة الابتدائية
اذكر يوم كنت طالب بالابتدائي والله ما كنت افهم شي بالرياضيات لان اللي درسوني
معلمين غير متخصصين .. لا احد يجي يقول المادة سهله ومن ذا الكلام بالعكس الرياضيات
صعبة حتى للصف الثاني والثالث الابتدائي .. المعلم المتخصص راح يشرح لك المادة من
منظور علمي وراح يوصل المعلومة بالطريقة الصحيحة ويوضح الاساسيات اللي يرتكز
عليها علم الرياضيات واللي راح تساعدك في المستقبل ..
اما غير المتخصص راح يشرح بطريقته هو الشخصية ومن منظوره الشخصي للمادة العلمية
ولما ينتقل الطالب للمرحلة المتوسطة والثانوية راح ينصدم بواقع مغاير للمادة اللي درسها
ويكتشف انه يفتقد حتى للركائز والاساسات للماده العلمية وخصوصا الرياضيات .
يمكن اكون طولت شوي بس صدقني انا اتكلم وقلبي فيه غصة على معلمين درسوني
رياضيات ايام الابتدائي ما فهمت شي منهم انا اقصد غير متخصصين ..
وطلعت المتوسطة والثانوية وانا ضايع ما ادري وش معنى رياضيات اصلا ..
تحياااااااااااااتي ..
