مدري شقول ؟؟
بسس اللي عنده جواب ومتاكد ميه بالمية يجاوبني امااااانة عليكم كل من دخل الموضوع
انا خريجة معهدمعلمات ومعلمة ولله الحمد والمنة وقبل سنتين صارت كل الانظمة ضدنا حنا معاهد المعلمات كاننا كخ على قولة اخواننا المصريين !!
والله كل ماابي اقدم على شيء قالوا وشهي شهادتك ؟؟؟
اذا قلت معهد معلمات استبعدوني
قدمت على مرشدة رفضوني
قدمت على مساعدة رفضوني
قدمت على الاشرااف قالوا من الشروط بكالوريوس
تعبت تعبت مع اني اثبتت جدارتي كمعلمة نشيطة منضبطة بسس وش تقولون ماينظرون الا الى المؤهل !!
قبلوا معلمات مالهم غير سنتين بالتدريس ورفضوني وانا لي 15سنة
المهم مالكم بالطويلة
فكرت قلت بكمل دراستي ويوم طلبت تفريغ رفضوووووووووووووووووووا
ماكفاهم حتى التفريغ مايبوني اتفرغ تعبت وتناسيت اكمال الدراسة
وبعد كم سنة جاني بصيص امل ولقيت جامعة انتساب عن بعد يعني بفلوس ورسوم قلت مايخالف بس علهم يقبلوني
وكانت توها فاتحة يعني انا الدفعة الثانية ولله الحمد على اعصابي وتم قبولي والحمد لله على انها صعبة بسس الامور مشت
اللحين خلصت سنتين ونصف وباقي سنة ونصف
يوم جيت اقدم على الجامعة ماطلبوا مني موافقة جهة العمل والقبول الكتروني يعني جتني رسالة بالقبول بسس وبديت الدراسة
اختباراتي كانت فترة مسائية يعني من الساعة 4 العصر الى 9بالليل يعني ماتشملني اجازة الاختبارات وعشان كذا ماطلبت من مديرتي اي اجاازة وكنت ادبر نفسي باجازة مرضية ايام الاختبارات
اللحين تفاجئت من بعض المواضيع في المنتديات انه لاززم موافقة جهة العمل على الدراسة الجامعية حتى قرأت ببعض المواقع انه لايعتمد المؤهل الا بوجود موافقه جهة العمل وانا ماكنت ادري خصوصا الجامعة مو طالبين الموافقه
اللحين خايفة يروح تعبي ولاتعتمد الشهادة بالخدمة المدنية ويضيع سهر الليالي
خصوصا انه مقصدي الاول من حصولي على المؤهل الجامعي هو قبولي في التقديم على الارشاد او الاشراف او غيره ويعلم الله ماهو قصدي المادة او زيادة الراتب والله الشاهد
اللحين اللي عنده خبرة يقولي شلوون اتصرف وش اسوي وهل الكلام صحيح انه لايعتمد المؤهل الابموافقه وزارة التربية والتعليم على اكمال الدراسة علما بان الدراسة على حسابي ولاتضر بعملي ولاتؤثر عليه حيث انني انهي جميع موادي واختمها قبل اختباراتي ولا اتغيب الا وقت الاختبار فقط باجازة مرضية او اضطرارية
من لديه الخبرة والعلم او من جرب يفيدني عظم الله لكم الاجر والله مشغووووووووووووووول بالي مو قادرة اناام لان الدراسة صعبة وانا تحملت ظروف صعبة عشان يعتمد مؤهلي وارتاح من التمييز في الترشيح
اتمنى القى تفاعل ورد شافي الله يوفقكم
الخبر الاكيد ان شاء الله
نعم تقبل شهادتك وتحصلين على المستوى الرابع لانك غير تربويه
ويمكنك ان تقدمي الان وتحصلي على موافقة
خذي خطاب من الجامعه
واذهبي به للادارة ولا تذكرين لهم انك دارسه من قبل
ولو فرضا حاولت وما مشت
بعد التخرج يمكنك ان تحصلين على الاعتماد ان شاء الله
انتي كملي دراستك وبالتوفيق
……
اللحين شسوي ؟
يعني اروح للجامعة اطلب منهم ايش
وبعدين وين اروح والاوراق المطلوبة ارجوكم اللي جربت تقولي ترى خايفة حدي وسجلت خصوصي عشان اسئلكم
|
وين الصبر
مشكوررررررررررررررة ام تروك الله يفتحها بوجهك
اللحين شسوي ؟ يعني اروح للجامعة اطلب منهم ايش وبعدين وين اروح والاوراق المطلوبة ارجوكم اللي جربت تقولي ترى خايفة حدي وسجلت خصوصي عشان اسئلكم |
روحي للجامعة واطلبي خطاب لجهة عملك بانك طالبه بالجامعه وتحتاجين موافقة مرجعك
خذي الخطاب واذهبي به الى قسم التدريب التربوي بادارة التعليم
وهم هناك يفيدونك
لابد تتعبين معهم شوي ولكم بيعطوك موافقه