مواهب طول الانتظار

بسم الله الرحمن الرحيم
خمس طعشر سنه وانا انتظر قرار تعييني
لكن دون جدوى
صبر في صبر في صبر لين مل الصبر مني
ومن كثر ماني صابره بانت مواهبي الشعريه وقررت
اسمعكم كل يوم قصيده عن معاناتي لين الله يفرجها

الله يصبرنا على ها الوزاره
اسبوعهاالجاري دروبه بعيده
يمن يبشرني وياخذ بشاره
ويقول لي اسمك طلع بالجريده
منهم تراوالله جتني مراره
عاداتهم بالكذب ماهي جديده
ياليت ابومتعب دراعن قراره
ياكيف ماطبق على مايريده
قرار ابومتعب تغير مساره
ياخوفتي كله احلاماًسعيده
ابيات قالتها بنت القواره
من زود مابالقلب كتبت القصيده

وسلامتكم

---

ي حياتي اناا

صح لسانك
ويارب تشوفين اسمك بالجريده وتفرحييييييييييييييين

الله يعوض صبرنا خير—-ويرزق الجميع——اكثرشي عجبني طعشر —

صح لسانك يابنت القواره ماألومك لوسرتي شاعرة والله من كثر ماجانا من
ذا الوزارة ماقول غير الله المستعان والله يصبرنا ولاحول ولا قوة الابالله…
الا بسألكـ سؤال وين فيه تقع القوارة؟تابعة لأي منطقة؟؟

الله يفرج همك

مسااء الخيرات على الاخوات الصابرات
اولاً -شرفني مرور الجميع
ثانياً-ترقبو القصيده القادمه غداً
ثالثاً-القواره تابعه لمنطقه القصيم درست فيها وانا مقيمه بالشمال حالياً

ودمتم بود

صح لسانك يابنت القوارة
وربنا يصبرك ويصبرنا على هالوزارة
ويفرج همك يارب وتسوفي اسمك منور بالجريدة