سؤااااال مهم وعاجل يتعلق بنقل ذوي الظروف الخاصة

بسم الله الرحمن الرحيم الحمدلله
ا نا معلمة ونقلت بفضل من الله تعالى إلى المنطقة التي طلبتها عن طريق لجنة الظروف الخاصة وصدر قرار نقلي وسأباشر عملي مع بداية الفصل الدراسي الثاني في المنطقة التي نقلت اليها
سؤالي:
هل يحق للمعلمة التي طلبت نقل عن طريق الظروف الخاصة أن تختار المدرسة التي تريدها؟
أم تنقل على حسب طلب مكتب الأشراف التربوي؟
وجزاه الله كل خير لمن أجاب على سؤالي ويحقق له مناه

---

والله انا ما عندي علم
وارجوا الاخوان يفيدونك

لكن انا عندي ظروف انا متعين في الشمال وعندي ولد له مراجعات في مدينة الملك فهد الطبية بالرياض
وانا ابي الرياض يمكن ينقلوني للرياض وكيف نقلتي ارجوا افادتي
مع العلم ان الولد لا يمكن ان يراجع الا في هذا المستشفى

ضروري اخوي لازم تطلع على ضوابط نقل ذوي الظروف الخاصة 0
وفيه وحده من صحباتي مرت بنفس الظروف اللي تمر إنت فيها
زوجها كان مريض وكانت المسافة بعيدة جدا عن المستشفى اللي يتعالج فيه
وطلبت من خلال تعبئة استمارة ظروف خاصة وتم نقلها هي وزوجها بعد شهرين من رفع الطلب للمنطقة اللي يتعالج فيها وبالقرب من المستشفى 0

ولابد ياأخي من رفع التقارير الطبية التي تثبت بأن ولدك يتعالج في مستشفى الرياض مع استمارة النقل0
وللمعلومية ايضا: حالات المرض تستعجل في النقل ولاتؤخر ويصدر فيها قرار بأسرع وقت ممكن
وعسى الله يكتب لهذا الولد الشفاء العاجل0

اختي سنا الفضة لاهنتي , كم لبثت اوراقك لدى اللجنه لان لي زميل اوراقه لدى اللجنه حالياً تدرس وشلون يخبرونه بنتيجة قرارهم وما اتخذوه هل يراجعهم او هم يتصلون فيه , والنقل اذا وافقت اللجنه على ظروفه ببداية الفصل الثاني او هناك حالات ممكن يتأخر فيها القرار والنقل , ومتى يخلى طرفه من منطقته الحاليه .وتساؤلاتي ايضاً لكل من لديه علم والله يجزى كل من يجاوب خير الجزاء بصراحه ودي ابشر خويي لانه بصراحه اجودي ويستاهل علاوة على ظروفه الحاليه الله يعجل بنقله.