هكرز يخترق موقع التربية والتعليم بالمنطقة الشرقية

اولاً الاختراق ليس لـ هدف تخريبي انما لـ توصيل رسالة لمن يهمه الأمر

الآن : التعليم بالمملكة اصبح فاشل جداً وبنفس الوقت تزيدونه صعوبة لماذا ؟
ايش هي الصعوبة ؟ الصعوبة هي انك تدرس 12 سنة ومن ثم يأتيك اختبار القدرات والتحصيلي !
القدرات كويس نقدر نختبر مرتين وثلاث واربع ، اما التحصيلي مره وحده ؟ ليش !!
زمن اول يقولون لنا ثالث ثانوي هو اللي بيحدد مصيرك ومستقبلك وانا الحين اقول الواسطة هي اللي تحدد مصيرك
يجي شخص يقدم ع وظيفة يقولون له ماعندنا ! طيب عندي واسطة ؟ حياك الله

ثانياً وش هالحماية الفاشلة بجميع نطاقات الحكومات السعودية gov.sa كلها حمايات فاشلة وسهل التجسس عليكم والله
لا يضحك عليكم الدعم الفني يقول كل شئ تمام والله العظيم مايدري وين الدنيا
المهم نتمنى ثم نتمنى منكم ومن الدعم الفني الانتباه والحرص على المواقع الحكومية
لأن نحن هكرز سعوديون هدفنا حماية الوطن بدون مقابل مادي لأن نرى كل الحمايات فاشلة
الان لو يبون يتجسسون عليكم دول اخرى سهل جداً ما ياخذ وقت الاختراق اكثر من ربع ساعة والله

اخيراً وليس آخراً ، وش هالخبر
خبر هئية الاتصالات السجن 4 سنوات وغرامة 3 ملايين ريال لـ "الهاكرز الإلكتروني"
الخبر تم اقتباس هذا السطر منه فقط الباقي ماعلينا منه
سجن 4 سنوات وغرامة 3 ملايين ؟ ياحبيبي من وين لنا 3 ملايين الهكرز اغلبهم عاطلين عن العمل يملكون خبره
ليش ماحذفتوا هالسطر وكتبتوا نريد ان نتبنى الهكرز الالكتروني ؟ ترا الهكرز عيال الوطن يشتغلون بذمه وباحتراف
قولوا لأصحاب الشهادات والدراسات العليا بالحمايات والاختراق يدرسون اول ابتدائي ^_^
( اذا تريدون حمايات قوية وصعب اختراقها ، راسلونا على حساباتنا ونعمل لأجل الوطن بدون مقابل )
( الدعم كم ياخذ راتب ؟ حنا عاطلين وجالسين ع النت 24 ساعة ونفيدكم ونساعدكم بدون مبالغ مالية )

والسلام عليكم ورحمة الله وبركاتة .

موقع لا يهش و لا ينش وتهكيره أسهل من السهل ( لأنه صفحة ثابتة )

وليس هناك أي فائدة من تهكيره وتدميره

( و موضة قديمة تهكير المواقع و الإيملات )

أيضاً في ظل وجود وسائط التخزين المختلفة والسيرفرات الكبيرة

( هكرز زي ماتبغى ) ساعتين نحذف الموقع ونعيد تشغيله من جديد

في حين الهكرز المسكين بنفسه يآخذ ساعات من حياته حتى يهكرز الموقع