انا بدخل في صلب الموضوع وبرد على من يقول ان السنه الجايه سنه المعلمين والمعلمات
والله يا اخوان ويا اخوات ان هالوزير مسخر فينا وخلانا شماته للي يسوى وما يسوى , بصراحه ما ارجي شي , الحين بيقول انا قلت السنه الجاية وقصدي 1 محرم من عام هـ زي سالفه الصفر حقة المية يوم وتذكروا كلامي . بهذلنا وقلل من هيبه المعلم والمعلمه , لم يقف بجوار المعلمين والمعلمات ضد وزارة المالية لما زادت رواتب الموظفين بعضهم الى الالف ونقصت نسبة بدل التعليم , بدل النقل عندما اقر استثنى المعلمين والمعلمات منها وصرفوها بعد مطالبه وشحاده , منعنا مؤخرا من مكافاه نهاية الخدمه , سلبت من الفروقات والدرجات المستحقة , زميلاتنا المعلمات الوحده تداوم ويدها على قلبها انها بترجع تشوف عيالها او اهلها من اللي تشوفه من حوادث نتيجة ان وزارتنا الموقره مهي قادرة تحطها جنب بيتها او مدينتها على الاقل
وش نقول ووش نخلي الله يعين ونصبر ,
واذا اذا اذا لاحظوا زين اذا سوى شي للمعلمين والمعلمات بيسوي تامين طبي في ارقى المستوصفات اللي يتعالج فيها البنقاليه والهنود وبينضحك علينا بسالفه رتب المعلمين والمعلمات اللي لا تقدم ولا تاخر , والا نوادي رياضيه واجتماعية
تذكروا كلامي زين
وزيرنا الفاضل عام المعلمين المقصود انك ترجع الفروقات والمدرجات المستحقة , المقصود انك تقف معنا نطالب بتعديل السلم الوظيفي وترجع نسبة بدل التعليم التي اقرت بعهد الملك خالد رحمه الله , المقصود انك تعيد صرف نهاية الخدمه للمتقاعد حالنا حال غيرنا وهو الحق المشروع للموظف الحكومي , المقصود انك تطالب ببدل سكن وتامين طبي لمنسوبي وزارتك