++++ مشكلة " تافهة " أعاني منها . ومضحكة للأسف

السلام عليكم

عندما أتغيب يوم واحد أو يومين ..

يضيق صدري

وأحس بضيقة

لدرجة إني لا أستمتع بهذا اليوم

بدرجة أن زوجتي تسألني أمس ..

أنت ليه ضايق صدرك .. علشااانك غايب اليوم ؟

واليوم بعد غبت ..

يعني صاروا يومين ..

وكانهم عندي شهرين

.
.
.

المدرسة بعيدة مرة … ملي خلق 220 كيلو علشان توقيع

– – – –

أحبتي

أنا تعبت من هالمشكلة

وتعبت من المثالية الزائدة

– – – –

ما أبغى أصير كذا

– – – –

أستحي كثير من المدير .. وأشيل همه .. لأن معاملته طيبة

– – –

صحيح المدير يستاهل وكل اللي مروا علي من مدراء رجال والنعم فيهم ..وكانوا يقدروني على غيري ..

( ماعدا واحد )

هذا الواحد عطاني درس …

لأني أنا كنت مدرس مثالي عنده ..

وبالأخير يعاملني مثل ما يعامل شخص مبزوط .. أصلا هو مبزوط

وأمر آخر ..

لو يصير أي خطأ مني ..

قسم بالله الوزارة ماراح تاخذ بالاعتبار انا مثالي أو لا

– – –

هذي مشكلتي وارجوا حلها …

هل استمر هكذا .. أو أخفف على نفسي شوي .. لأني تعبت ..

وأفكر أصير شخص ثاني ..

لكن سمعت كلام : إن المبزوط يتعب أكثر من المثالي .. هل هذا صحيح

---

المثالي مثالي والمبزوط مبزوط لانقلب المفاهيم واذا ما حاسبك مديرك على مثاليتك خذ الحساب من أغلى منه وهوالله سبحانه وتعالى هومن سيبارك لك في رزقك وفي صحتك وفي عيالك ونسأل الله لك التوفيق والسداد

ليش ما تنقل ببيت جنب المدرسة
يعني تسكن جنب عملك وتريح راسك دام مديرك طيب

المثالية في وقتنا غير واقعية المليارات الممليرة تطير في الهواء باسراف من الوزارة

وانت يضيق صدرك على يوم

سددوا وقاربوا

واذا تبي تبزوط لا تتجاوز الخطوط الحمراء بما يضر وظيفتك

يارجال وسع صدرك على أيش هذا كله ترى الدعوة ماهي مستاهلة كل هذا منك وعلى قول خوينا سدد وقارب وبعدين والله فيه ناس ما يداومون واذا داوم وجوده زي عدمه وماشي حاله وانت شايل الدنيا على راسك علشان غايب يومين فلها وربك يحلها وانا اخوك

اخي العزيز انت تعمل لله عزوجل لا للمدير ثم اخي سوف تنصدم عندما تكون عند مدير يعامل المجتهد وغيرالمجتهد سوا وهذا كثير في ادارات المدارس فلا يضيق صدرك انتبه لايجيك اكتئاب والسبب المدرسه وغيرها ترى ما احد بينفعك ومهما تبذل ترى المحصله النهائيه وحده معلم ولو غبت انت بشر لحم ودم المشرفين ما يداومون صح بزوطه وانت تكرف ولا احد حس بك اقر في المنتدى الي غاب ورفع قضيه الان يقولون اختر اي مدرسه ننقلك لها

أخي الكريم ،،
هنا الضمير ، وتأنيبه عن التصرف الخاطيء ،،،،
وقلما نجده ،،فهنيئاَ لك بهذا أخي الكريم ، فأحمد الله عز وجل .
فأنت والله عمله نادرة قلما نجدها ،
وماعليك من البزوطة وغيرها ، فيظهر لنا من هذا أنك ممن يراعون الله جل وعلا ( ونحسبك والله حسيبك ولانزكي على الله أحدا ) فنسأل الله لك السعادة أبد الدهر ،،
ونسأل الله لك تيسير الأمور أخي الفاضل .
وما عليك من غيرك ،، فأهم شيء أن تراعي الله في كل شيئ فو الله ستشر بالسعادة أينما كنت .
وبعدين يأخي أذا كان الدوام 200 كيلومتر علشان شخطة قلم , كلم المدير قله مايمديني أداوم لبعد المسافة .