وش انطباعكم وارائكم عن مجمع الامير سلطان للمتفوقين في بريده متوسط
من جميع النواحي
وين القصمان يفيدونا بالموضوع
تحيتي لكم
من حيث
نصاب الحصص
الادارة
الطلاب
عدد الطلاب في الفصل والمدرسه
اما المجمع فانا العام الفائت فيه وطلبت النقل للثانوي لأني ماهضمت الطلاب وما تعودت عليهم
أما المدير فعسسسسسسسسسسسسسل ومحترم جدااااااااا
وكذلك المدرسين
أما الطلاب يبون حزم شوي وما تعطيهم وجه وفيه نوعيه منهم ترفع الضغط
النصاب اللغة العربية مايزيد عن20
والباقي والله مادري بس اتوقع مايزيد عن 20
الفصول كل صف 7 فصول كل فصل 25 تقريبا وبالتوفيق يارب
لكن سمعت انه فيه تشدد شوي
خصوصا احنا اللي من حارج القصيم
هل فيه اي اشكاليه من هذا الجانب ؟
وهل في حالة انهاء الحصص الخروج ام بعد انتهاء الدوام الرسمي؟
بالنسبة للطلاب هل هم جيدين وشطار ام مستوى عادي ؟؟
والله خوفتني من الطلاب
ولك شكري
النصاب لايزيد عن 20 حصة
المدرسين عسل والزملاء روعة ( بس تعرف القصمان خلك حذر وخل شخصيتك غامضة جدا )
فيه تشدد من ناحية الدوام ودائما نهاية الدوامات فيها تشدد
لاتترك الحصص والغيابات على طول رفع
المشرفين يداومون معاك على طول ( يصاحبك دفتر التحضير والسجل وكل أغراضك )
من ناحية المبنى روعة روعة وقاعات نموذجية ومطورة بأحدث الوسائل
من ناحية الطلاب فهم متحضرين جدا وأبناء مسؤولين وكبارية
وهم على قسمين وعددهم 550
طلاب شطار ومتميزين جدا وخلوقين ومحترمين وهم قلة
قسم آخر وسط ولكنهم يضبطون مع الشدة
وأما البقية مهم مدللين ولعبين ومستهترين
فأنصحك من أول يوم أكتم وخلك بالدرس فقط ولاتدخل مواضيع أخرى وخلك شديد في السوالف معهم
وكذلك أنصحك وثق كل شي يحدث بأوراق ثبوتية وسجلات لأن ماتدري إلا جايتك مساءلة وراك على ولد فلان لاتفشلنا
بالنسبة للمدير شخص يحب الترزز والطهبلة والتصوير وهو محترم وخلوق بس امدحه وتأخذ راحتك
والله يعينك على النشاط كل يوم حفل وأنشطة وتصوير وزيارت
اذا صرت داخل الفصل فيه سماعة وانت تشرح ومتحمسين معك الطلاب يعلن فجأة إنه الآن نشاط ويطلعون الطلابويخلونك واقف عند السبورة
يعني مالك قيمة يالمدرس
وفيه منتدى خاص للمجمع وهذا الرابط
أي خدمة ترانا مستعدين والله يوفقك ويعينك
معنى كلامك ان اغلب الطلاب شطار فاستغرب من وجود بعض اللعابين
– بالنسبة للمعلمين اللي من برى وطريقة التعامل معهم؟
– هل عند نهاية اعمال المعلم يوقع ويطلع او ضروري بقائه الى نهاية الدوام؟ بمعنى بعد انتهاء حصصه يطلع؟
– وش رايك فيها بشكل عام وهل تصلح الواحد يقعد فيها لسنوات طويله
واي معلومه تفيدني
والف شكر لك اخوي على تجاوبك
ولاعدمناك