بسم الله الرحمن الرحيم
"مقلب الوزير"!! .في المعلم عبدالصبور!!.(( شر البلية ما يضحك) الجزء 2))
بقلم: zezozaza1234
إخواني وأخواتي الأعزاء :
طبعا بعضكم فاكر قصة المعلم عبد الصبور وما صاحبها من احداث
في جزءها الأول ((("رفسة"………))).
والأن إلى الجزء الثاني.
الزوجة : إيش فيه أبوك "فاتح فمه", وما يرد عليه هيييييه عبد الصبور.
الإبن المعلم :الظاهر الخبر كان شديد علية , خلية يستوعب الصدمة وبعدين يسير خير , ما عليك الوالد ما شاء الله إسم على مسمى وما ينخاف علية.
بعد ثلاث ساعات!!!!
الزوجة : الحمد لله على السلامة , قلي ولدك" تحسين" على الخبر , يالله تعيش وتاكل غيرها .
هاه أحط الغداء.
عبد الصبور: ما أبغى "أتسمم" ولا شيء , طالع أشم هوى ويمكن أتأخر لا تستنوني على العشى .
الساعة الواحدة بعد منتصف الليل!!!
الزوجة : مو كن أبوك إتأخر؟؟؟؟
تحسين :إي والله الله يستر!!!!.
وكالة الأنباء!!!
المذيع : وردنا قبل قليل هذا الخبر العاجل:شخص مجهول الهوية يهدد بالإنتحاروالقفز من سطح إحدى المباني المرتفعة!!!!.
الزوجة : الله لا يبتلينا من هذا المجنون ؟؟؟؟.
تحسين : موكأنه فيه شبه من الوالد؟؟؟.
الزوجة : "يبالله" على زوجي ,و الله إنه أحلى من "هالشاكوش"..
المذيع: إليكم هذة اللقطات من أرض الحدث, وسنوافيكم بالمستجدات لاحقا..
عبد الصبور من أرض الحدث : ماني نازل يعني ماني نازل ..
الناس اللي تحت : إنزل يا إبن الحلال , إتقي الله في نفسك وفي أهلك. حرام عليك..
واحد رفيق: والله هادا نفر مخ مافي !!!
واحد منتهي : إيش الهرجه ؟؟؟
تحسين : ماقلت لك إنه الوالد !!!.
الزوجة : ويش قاعد تسوي عندي هنا , قوم إلحق أبوك بسرعة ..
تحسين :بس زوجتي على وجة ولادة وخايف أني أأ……)..
الأم: أنا هنا معاها ,قوم الله يرج إبليسك!!!.
المذيع :علمت قناتنا من مصدر موثوق أن الشخص المجهول يدعى عبد الصبور وهو ينتمي لقطاع التعليم , "وأضاف المصدر بأنه متزوج ولديه………….".
المذيع: والأن مع مراسلنا من أرض الحدث , ومعه آخر الأخبار!!!.
المراسل : نعم نعم أخي المذيع , إستطعنا الوصول إلى سطح المبنى ونحن بالقرب من المدعو عبد الصبور . ( أخ عبد الصبور هل هذا إسمك الصحيح) ؟؟؟.
عبد الصبور : والله لو قرب مني أحد لأرمي نفسي ..
المراسل :نعم , ولكن لماذا تهدد بالإنتحار , وماهي مطالبك؟؟؟.
عبد الصبور : حقوقي حقوقي أكلوها أعضاء اللجنة ومن قبلهم وزارة التربية !!!!.
المذيع : نكتفي بهذا القدر . معنا على الهاتف وزير المالية و"متكي معاه " وزير الخدمة المدنية, وهم من أعضاء اللجنة المذكورة .
سؤال المذيع : سيدي الوزير لماذا لم تعطوا عبد الصبور وغيره حقوقهم .
وزير المالية : "طبعا ما يدري إنه على الخط وعلى الهواء ويكلم خويه : والله ما يذوقونها"يقصد الحقوق طبعا"!!!.
المذيع : سيدي الوزير هل تسمعني ؟؟ أنت على الهواء الآن !!!.
الوزير: هاه ؟؟ نعم ويش السؤال ؟
المذيع : عاد السؤال ؟؟؟
الوزير : إللي أعرفة إنهم يبون الفروقات والدرجة و طلبهم هذا أعتبره هدر للأموال العامة لذلك لم ولن نوافق على طلبهم !!. طوووط…طووووط…طوووط… إنقطع الخط!!!
المذيع : عذرا على هذا الخلل "من المصدر"!. ينضم إلينا هنا في الأستديو وزير التربية ونطرح عليه نفس السؤال؟؟ .
وزير التربية :تعميم إجازة الوكلاء "مش عارف إيش " والدراسة مستمرة حتى اليوم "الفلاني ".
المذيع : غذرا على المقاطعة , كان سؤالي عن حقوق المعلمين "الملطوشة"
الوزير: لم يصلنا شيء والقرار قيد الدراسة!! وماعندي فكرةعن اللللل…
المذيع:عفوا على المقاطعة مرة أخرى كيف ماعندك فكرة وأنت أحد الأعضاء في اللجنة ؟؟؟ عز الله ضاعت حقوق المعلمين إذا إنتم اللجنة ؟؟؟ المهم ماذا بشأن عبد الصبور ؟ الرجال "بينتحر " ؟؟؟
وزير التربية : خله ينزل وأنا أوعده إنه يأخذ راتبه مضاعف "دبل ثري" إذاأكمل 40 سنه خدمة و تقاعد.
بعد الفجر وصل الخبر لعبد الصبور " وطوالي نزل"!! لأنه الآن وصل سن التقاعد !!!
تحسين : الحمد لله على السلامة كذا تخوفنا عليك ؟؟؟
عبد الصبور : إبعد عني يا وجه النحس !! أصلا هذي بركاتك !!! ومسميك تحسين كمان!!!!..
الساعة ستة!!!
الزوجة : الأخبار الحلوة تجي مع بعضها , رجعتك لنا بالسلامة وقبل شوية إتصل تحسين يقول إن زوجته ولدت وجابت ولد ," إبسط ياعم" صرت جد يا الشايب !!!!.
عبد الصبور : على البركة , رايح أقدم على ((((التقااااااعد))) قبل ما يرجع الوزير في كلامه وإذا رجعت نروح نشوف الولد..
بعد ثلاثة أشهر!!!!
المدير : يا أستاذ عبد الصبور ترى جاء الرد على طلب التقاعد .؟؟؟
عبد الصبور: شكلي ماني قاريه الحين و بخلي تحسين يقراه علشان "اقهره" إذا شاف راتبي الجديد …
خمس دقايق الا هوه "محضر" في البيت
عبد الصبور : تحسيييييين , تعال ياالدايخ وشوف أبوك كيف يأخذ حقه ,إفتح الظرف ,إقراه و"أطربني,"قال نفس راتبي قال"..
تحسين : طيب طيب, يقلك يا الحبييييب , أأأأووووه!! الخطاب من الوزير شخصيا!!!.
عبد الصبور : شايف , أبوك مو بسيط .. إقرأ إقرأ..
تحسين :بسم الله ,((( الأخ عبد الصبور :إذا كنت تريد التقاعد الآن فلا بأس , ولكن في هذه الحالة لست ملزما بالوفاء بوعدي لك , والسبب أنك الآن على المستوى الخامس والدرجة الأولى , ولأنه تم إسقاط سنوات الخدمه بعد تحسين مستواك, تعتبر خدمتك الحالية سنة وااااااحدة فقط , وبالتالي "قااابللللني "بعد 40 سنة , وإبشر بالوعد.))))
عبد الصبور : كيف كيف كيف ؟؟؟
تحسين : يعني مو بس أنا راتبي زي راتبك , حتى ولدي هذا اللي هو حفيدك لوكبر ودرس وصار معلم ,بيصير زميلك, لا و راتبه زيك !!يااالحلووووو!!!!! ………………………………………….. ..يتبع
رائع جدا سلمت يداك.
ههههههههههههههههههههههههههههههههههههههههه
اسلوب رائع
موووووووووووووووووفق
موووووووووووووووووفق
يااااعيني
ههههههههههههههههه
ههههههههههههههههه
قسم بالله هذا أسلوبهم
عندي دبلوم تربوي من قبل 5 سنوات ويوم رفعت الاوراق لتحسين كتبوا قدام إسمي لم يحصل على موافقه
رغم إن الشهاده من جامعه الملك عبدالعزيز قلت إيش الحل
(قالوا أعيد الدراسه من جديد في الجامعه وقبل ماتدرس تعال نعطيك موافقه !!!!!!!!!!)
ياناس جننوني بهذا الغباء
أقسم بالله إن هذا كلام كبيرهم وصغيرهم…حثاله
هههههههههههههههههههههههههههههههههه
انواع الهستره
ذكرني الحوار السابق
بـ مواعيـد عرقووب..
يسملوو ع الطرح الجميل وباركـ الله فيـكـ