نص الحوار الدائر بين اعضاء اللجنة

وزير المالية:اقول الحركة ومشيناها عليهم هم مايبون الا الدرجة المستحقة

وزير التربية:ياخوي تراهم جامعيين بدري عليك تضحك عليهم

وزير الخدمة :ياخوي دبروها بينكم بسرعة ترى بطني يوصوص من الجوع

وزير المالية: اقول ريحنا انت وبطنك كنك تبي زيادة 5% ماكفتك

وزير الخدمة:ياليتني غيرت سلم الرواتب وافتكينا من زماااااان

وزير التربية: منت بصاحي والله ليدخلون عليك في بيتك تراهم عيالي وعرفهم

وزير الخدمة:بصدر القرار وانحاش اوروبا خلهم يلحقوني

وزير التربية:عندهم 5 ايام اضطراري والله ليلحقونك اقول خذ لك فلافل لين نخلص

وزير المالية: الهوامير بسوق الاسهم والمواطنين خسرتهم بس هالمدرسين ماعندهم تفاهم

وزير التربية:اقول فكنا منهم وعطهم الفروقات ولو على دفعات المهم ابي اعيش حياتي مرتاح

وزير المالية: الله اكبر عليهم وش هالقوة الاعلامية ياأخي ذولا متحدين زي الجبل

وزير الخدمة:عطوهم الفروقات على مراحل وخلاص ذولا فضحونا مع خادم الحرمين الشريفين

وزير المالية:اقول عندي خطة نجرب مابنخسر شي بنطلع الحين ونعلن عن الدرجة المستحقة

ونماطل لين يتعبون علشان ينسون الفروقات.

وزير التربية: والله لو تماطل من الان لمية سنة وراك وراك تراهم

وزير المالية:نجرب ياابن الحلال خلنا نوفر علشان تحسب في انجازاتي

وزير التربية: توفر! اتق الله هذا ظلم

وزير الخدمة : ايوالله ظلم ماحطوا لي مع الفلافل شطة

وزير المالية: اوووووووووووووف فلوسي وانا حر وبكيفي حلال ابوي

وزير التربية: بقريح انت وماليتك والله لأطلع اعلن لأبنائي المعلمين انك السبب

وزير الخدمة: هههههههههه توهق ابو مالية خخخخ

وزير المالية : واللي يرحم والديك قل لازال التشاور جاري بخصوص الفروقات

وزير التربية: والله ماشوه صورتي عند المعلمين الا حركاتك ذي على العموم بنشوف آخرتها معك

وزير المالية : ان شاء الله تنجح خطتي

وزير الخدمة: آمين تنجح….. ذولا مدرسين والله ليرسبونك

ههههههههههههههههههههههههههههههههههه

كاتب مسرحي ممتاز

وش رايك تتعاون مع كم طالب وتخليهم يمثلون المسرحيه وتصورها وتعرضها في المنتدى