معلم زمان ومعلم اليوم ما الفرق

يحكى ان زماااان كانت الفراخ كبيرة الحجم وكان طولها فى طول الانسان وللاسف كانت غلبانة وبتسمع الكلام المعلم يجيبها يمين تروح يمين يجيبها شمال تروح شمال وكان شعارها فى ذلك الزمان هو
ادبحنى يا معلم
أطعنى يا معلم
إشوينى يا معلم
أزلوطنى يا معلم

واستمرت هذه الفترة قرون طويلة كسب فيها الجزاريين الملا يين وزادت مهنة الجزاريين انتشارا وازدهارا واصبحت تربية الفراخ المطيعة اللى بتقدم نفسها للجزار هدية من غير مقاومة ولا تعب هى السائدة ، وقلت تجارة اللحمة والاسماك.
ومع هذا الضعف الفراخى ظهرت الامراض وانتشرت وقل حجم الفراخ حتى اصبح فى حجم الفراخ اللى بنشوفها دلوقتى فى كل مكان ، وكان اهم مرض منتشر بين الفراخ هو الانفلونزا والتى ادت الى موت الكتيير من الفراخ فلجأ الجزاريين الى عمليات دبح سريعة للفراخ وتجميدها عشان تتباع مجمدة احسن متصاب وتروح فشوش ويخسروا الملايين بتاعتهم
وانتشرت الفوضى بين الفراخ وانتشرت عمليات السطو والسرقة والخناقات بأت على اتفه الاسباب ، وكانت هذه الفترة مواكبة لظهور علم الهسس وبداية تعرف الفراخ على اهمية هذا العلم وفايدته فى حل المعضلات والمشاكل ، ولأت الفرخة الهسوسة طوق النجاة لعالم الفراخ فى الهسس فبدأت فى تعلمه والتدرب عليه وكيفية وضع خطة وتنفيذها وبدأت فى نشر الهسس بين الفراخ واقدرت تصلح الوضع ورجعت الفراخ الى عصرها الزاهى
العصر اللى لما يفكر الجزار فى انه يدبح فرخة فان تكلفة دبحها هاتبقى كتيير مش هايقدر اى جزار انه يستحملها، هذا بالاضافة الى المقاومة الشرسة اللى هاتبديها الفرخة مع الجزار واللى هاتطلع عينيه وهاتخليه يشق هدومه ، ولو فرضا ان الفرخة ادبحت خد عندك الخسائر اللى هايخسرها الجزار:-
– التعب والدوخان عشان يمسك الفرخة
– تعوير نفسة عشان الفرخة مش هاديه زى زمان
– تغريق هدوم الجزار بالدم
– ممكن تطلع فرخة مش ملاينة يعنى ما بتوزنش

واقدرت الفراخ ترجع عصرها ،عصر الرخاء الفراخى والحرية الفراخى والامان الفراخى اللى ما بيهددوش اى جزار ، ورجعت اللحمة تنتشر تانى هى والسمك ، لآن نفس المشكلة غالبا ظهرت عندهم بس لسه الهسس ما وصلهومش

وتوته توته خلصت الحدوته

المصدر: مدونة علم الهسس

---

الصورررررررررررررررررررررررة حلووووووووووووووووووة.

حلوووووووووووووووووووة الحتوته