اخواني دفعتنا المنكوبة الظاهر يبي لنا نلحق على المحامي نشتكي على مماطلة ذا الوزارة عشان يعطونا حققوقنا ( مضايقات في كل شي ) حسبي الله عليهم .
المهم مالكم بالطويلة
رحت الوزارة عشان اشوف وش صار على الفروقات قابلت موظف في التدقيق المالي لمعلمي الرياض قالي غريبه ما استلمتوا الفروق المفروض على الحساب وحنا مرسلينها في 15 /5/ للأدارة .
(في خاطري اقول ماشاء الله بروح الادارة طوالي يمكن اخذها مناولة )
ولما جيت الاخوان في الادارة كانت المفاجئة الموظف يقول ماجانا شي كيف وذا الرقم المرسلة فيه قال الرقم خطا وبعدين بريد الوزارة يطول من الزحمه ويضحك من حقه.
يعني بالعربي الرجال ماوده يقول لي ردد .
يعني بالمختصر المفيد مو لازم نسكت كل واحد جالس ينتظر المفروض كل واحد يحصل فضاوه يروح ينشب لهم .
اما بخصوص موضوع بدل التربية الخاصه هنا حكاية اخرى بس للأسف مجهولة البطل.
نفس الكلام الي فوق بس الفضيحه انه مأحد عارف مين الي موقف البدل وليششششششششششششش يوقفونها اصلاُ شكلها تلميحه قويه لأ يقاف البدل في الاجازات الخميس والجمعة والاجازات الرسميه.على حسب ما سمعنا ان الوزير ما هو معترف بالتربية الخاصة وانهم ياخذون فلوس زيادة على الفاضي.
الادارة يقولون قسم التربيه الخاصة والقسم يقول شؤون الموظفين وذول يقولون الوزارة المهم صرنا مثل الكوره كل واحد يشوت عالثاني .
طالبوا بحقوقكم ولالالالالا احد يسكت وخاصه بعد الي شفته اليوم من عدم مبالاة وازدواجية في القرارات الوضع يخوف وحنا ساكتين والدليل المستويات من يوم القضية وهم مختبصين ولا ماكان تحسنت دفعة 23والادلة كثيرة .
ودمتم
وربنا يسدد خطانا
وزارة خايسة
وكأنهم من جيوبهم يصرفونها
الناس تخلص معاملاتها بضغطة زر
واحنا يبي لنا 5 أشهر على بال ما نخلص ارسالية
حسبنا الله ونعم الوكيل
التابع لإدارة تعليم الرياض ولكن دون جدوى ..
سأكتب لمدير إدارة التعليم عن مشكلة التأخر في صرف الفروقات
رغم صرفها في كل إدارات تعليم المملكة ..!
وللمعلومية فإن المبلغ المستحق سيكون 2521 ريالاً
وهي فروقات 3 أشهر بالإضافة إلى فروقات يومين
ابو أحمـــد
وننتظر الجديد