السلام عليكم يا معلمات أنا معلمه تابعه لمكتب اشراف شرق الرياض قدمت على اجازه استثنائيه ورفضوا مكتب الشرق قبولها. بحجة ان سياسة المكتب عدم قبول اي اجازه لا استثنائي ولا رعاية مولود مهما كانت ظروف المعلمه وفعلا رفضوا قدامي في ذاك اليوم طلب كل من قدمت اجازه مع حاجتهم الشديده لهاوحده من المعلمات مسويه ثلاث عمليات في قلبها ورفضوا يعطونها ومعلمه شايله مولود صغير معها ورفضوا يعطونها وانكروا وجود مديرتهم نهايه وكل من يطلب يدخل عليها يقولون ميب موجوده وكان فيه تجمع للمعلمات واقترحوا رفع تظلم على مكتب الشرق ومديرته نهايه هذا حصيلة يوم واحد. المهم كتبت الكلام هذا في موضوع أخونا الفاضل ياوحشة غيابك وردعلي مشكور ب ارفعوا تظلم لادارة التعليم وانه مايحق لهم يرفضون الاجازات والاقتراح الان ان أحنا مانسكت على منع حقوقنا ومنع الحق هو تعريف الظلم فلازم نستعين بلله ونرفع تظلم منمكتب الشرق ومديرته نهايه لادارة التعليم فارجو من كل معلمه عانت من هالظلم وناويه تنضم لنا تسجل النك نيم حقها ونشوف وش نسوي وشكرا
ولا وحده يا حافظ ليه.فيه شي يخوف وأنا ما أدري عموما أنا أول وحده. شمعه محترقه
الله ييسر اموركم …وامورنا
الله يجزاك خير يا أخوي. واييه نسيت شي كل مكاتب الاشراف الشمال والجنوب والغرب يعطون اجازات الا مكتب شرق. حسبنا الله ونعم الوكيل
الفاضلة / شمعة محترقة
يبدو أن كل مكتب شرق مع اختلاف المناطق يشتركون في التعقيد والعكاسة
أختي أرسلي ولي أمرك للوزراة قسم شؤون المعلمات وأمروك بتزين
لأنه في جده هذا الوضع الحريم يعقدون والرجال يحلون العقد !!
وياليت ترفعوا شكوى للديوان الملكي من الضرر الواقع من إيقاف إجازتكم مع نظاميتها .
كان الله في عون الجميع
اختي الفاضله المفكره المدرسيه الله يجزاك خير اللي رديتي و عبرتيني وكل اللي قلتيه سويته راح ولي امري لاداره التعليم وقالوا نوافق بشرط موافقه مكتب الاشراف التابعه له
ورفعت تظلم للديوان الملكي عن طريق برقيه من الاتصاﻻت stc و الديوان الملكي ارسلوها لوزاره التربيه و وزاره التربيه ارسلوها لادار التعليم
وبدون اي نتيجه
السلام عليكم ورحمة الله وبركاته
أختي شمعة محترقة / كان الله في عونك وفي عون الجميع
صراحة مالهم حق في إيقاف العقود كنا مرتاحين أي معلمة استثنائي أو عقود على طول بدالها بديلة جاهزة
ودي أعرف إيش المانع المصيبة فين راتب المعلمة يروح بعد مايسمحوا لها بالإجازة ؟؟
صراحة إيقاف العقود قرار ظالم كنا المعلمات والمتعاقدات مستفيدات منه
لكن الآن أوقف عشان ماأحد يطالب بالتثبيت ؟!!
لكن قطع الأرزاق تخصص في هذي الوزارة .
على العموم لي زميلة رفضوا يعطوها استثنائي مشتها إجازات بعد 3 أسابيع بلغوها بالموافقة
يعني الأخت المريضة بالقلب هذي أفضل طريقة تعملها حتى تحصل على إجازتها.
ما أقول غير الله يكون في عون الجميع
من تجربة مع قريباتي..ثبتت لدي قناعة بأن أسوء كابوس للمرأة هي أختها المرأة…!! لاتنفع المرأة للمناصب القيادية والتحكم بأمور الناس بدون رقابة…فهي أما أن تكون خائفة سلبية تابعة..لاتحل ولاتربط ولا تعرف معنى لروح النظام..أو أن تكون متشددة للغاية لدرجة التعنت والتزمت يساعدها ضعف وجهل من تحتها.!!…وقليل المنفلتات الساحبات على النظام…!! والأقل جدا منهن من تبدع في القيادة..!!
ولعل النظام البيرواقراطي المميت هو من ساعد حفنة الموظفات التافهات في التحكم في مصائر هولاء المعلمات..
أعانكم الله ويسر أمركم وعجل بإجازاتكم 
..