نداء لدفعة25 بنات ودفعة26 بنين لتحسين الدرجة

عجبي ياوزارة الغرائب … ونداء للدفعة المنكوبة عام 25 بنات و26 بنين .. ياليت االكل يسجل صوته هنا ..

من خلال اطلاعي على سلم الرواتب وجدت دفعة 25 بنات مظلوووووووووووووووووووووووووومة وكمان دفعة 26 بنين مظلووووووووووووومة
لانهم ساووووهم باللي بعدهم على نفس الدرجة والراتبي من دفعة 25 الى 30 مايفرق ريال والبنين من دفعة 26 الى 30 نفس الدرجة ونفس السلم والراتب مايفرق ريال ولا كان لهم اي سنوات خدمة ابد .. وضربوا سنوات خدمتنا وكرفنا بالوزارة المصون عرض الحاااااااااااااااااااااااااائط

طيب الان هذا بحد ذاته ظلم في اي عرف نتسااااااااااااوى على نفس الدرجة ولازم نجد ونجتهد بالمطالبة بحقوقنا ونوصل صوتنا للمسئولين ..

وصدقوني ياحبايب لولاحكي المعلمين من اول ولا ماحلمنا تتحسن مستوياتنا على الخامس وهم صح حسنوها بس للاسف على الدرجة الاقرب للراتب (مادة 18 أ)
يعني هالتجمعات والكتابة بالصحف بيتحركون واكبر مثال دفعة 25 بنين حسنوا مستواهم الدرجة بدرجتين …
عقبالنا ياااااااااااااااااارب
الظلم الثاني واللي يفقع القلب ..احتساب سنوات الاهلية ..وتهميش سنوات كرفنا
وهذا قرار سطحي بحت استغرب يطلع من الوزارة
يعني الان عندي قريبة تخرجت من الجامعة بعدي بكم سنة وما جا تعينها الا بعد سنتين وبذيك السنتين درست في اهلية الان هي تعيين دفعة 30 وراتبها اعلى من راتبي
انا مااحسدها تتهنى فيه بس نبي حقنا يحسبون سنوات خدمتنا ويرفعونا في السلم

اساسا سلم البنات مافيه احد درجة 4 ؟؟
فاضية تصوروا
26 و25 الى 30 على الدرجة 3
و24 على الدرجة 5
طيب نصير الدرجة 4 ليش فاضية؟؟؟

المطلوب
ياحبااااااااااااايب نعمل تجمع هنا دفعة 25 بنات ودفعة 26 بنين لما لحقنا من ظلم وعدم احتساب سنوات خدمتنا ومساواتنا مع الدفعات اللي بعدنا في الدرجة
وكذلك تفوق مدرسي الاهلية علينا في الدرجة والراتب باحتساب سنوات خدمتهم ونحن نكرف في التعليم العام وفي قرى بعيدة وتفوقنا عليهم في مفاضلة الخدمة المدنية ودرجاااااااااتنا اقل

اتمنى نتحد ونتكاتف ونكون يد وحده وصدقوني لو وصلت اصواتنا بيحسنون درجتنا بس وووووينكم ؟

بالاضافة الى رفع برقية للملك كل واحد وحده فينا ترفع برقية باسمها ويارب يحسنون درجاتنا

باانتظاركم

و الله المستعان