اخواني محضري المختبرات حاب اقولكم واتمنى ان تفهموني جيدا
بخصوص تحسين المستوى مالها دخل وزارة التربية والتعليم ولا عندها مانع في تحسين مستوانا المستحق لكن المشكله عند وزارة الخدمه المدنيه!!!!…اعترف المليص و الحميدي انك تستحق المستوى الثالث وهذا لايعني انهم رايح يعطوكم مستواكم وانتم جميعا طرتوا من الفرحه .. والخدمه المدنيه غير معترفه بنا وتقول لكم الثاني فقط
انتم تنتظرون وزارة التربية والتعليم ونسيتواوزارة الخدمه المدنيه!!!
اتمنى من الاخوه الافاضل عدم الاتكاليه على الغير وعدم البربره الي مالها داعي وعدم الاخبار الغير صحيحه
انتم اكثركم بس كلام نسوي ونفعل ولانشوف شي والبعض يقول نبي اجتماع امام الوزارة ولم يأتي للحظور والمأزره والتعاون مع اخوانه ويحزنني محضري مختبرات اهل الرياض الذي لم يحظروا جميعهم في الاجتماع الاول امام مبنى وزارة التربية والتعليم ؟
اكثر محضري مختبرات يبون الشي جاهز مجهز ولاعندهم طموح كبير
مايناظرون فوق ….(لا تكميل دراسه ولاتحسين مستوى)
انا بصراحه اشكر جميع محضري مختبرات وخاصة اخي الغالي جمعان الدوسري وعبدالله الحربي هم الذين يستهلون كلمة شكر وعرفان وانتم فيكم الخير والبركه لكن تحركوا شدوا همتكم جالسين بس تتكلمون فقط وتقولوا نبي نسوي ونبي نفعل ولا تسوون شي وانا ادري وابصم بالعشره انكم بس كلام
اخواني ابي اقولكم شي تروحوا للعبيد او المليص او الحميدي والله ماراح تلقون فايده واكررها مرة اخرى
موضوع تحسين مستوى عند وزارة الخدمه المدنيه بالرياض لازم نتواجد ونجتمع على مبنى وزارة الخدمه المدنيه بأسرع وقت وعدم الاتكاليه على الغير؟؟
انتم هنا بس بربره على الفاضي ولافي شي جديد. كل ماتتاخرون بموضوع تحسين مستوى كل ماتتصعب عليكم الامور..خلونا نضرب الحديد وهو حامي
شوفوا المعلمين كيف تجمعوا وطالبوا ويدهم واحده وتكاتف بقوه اما محضرين المختبرات للاسف لاحياة لمن تنادي..بس جالسين يبربرون هذا الي شاطرين فيه!!
ليه اخذوا حقوقوهم كامله جميع المعلمين ونحن لا؟؟ هل انهم من عيال تسع شهور ونحن من عيال ست شهور ام ماذا وهم بيش احسن منا؟؟
المعلمين بذلوا جهد ليأخذوا حقوقهم مو زينا؟؟؟
اتمنى انكم لاتوكلون محامي لان سالفة المحامي طويله جدا ونتيجتها ضئيله ومدتها طويله
نريد نعمل بأشايء تجيب نتيجه بسرعه
ارجوا من اخي جمعان الدوسري وعبدالله الحربي تحديد موعد عاجل للحظور امام مبنى وزارة الخدمه المدنيه بالرياض.. واذا ماحصلنا شي من وزارة الخدمه المدنيه
يوجد الحل الأخير وهو الذهاب الى قائد الأمه العربيه
هو الملك عبدالله بن عبدالعزيز الله يطول بعمره
اخوكم من منتدى وزارة التربية والتعليم(المريض ألي ماله دواء)
ياليت الجميع يحتذي بك وبما كتبت
بعيداً عن المجامله والاطراء لك
اخوك محمد الحربي
الدماام
حددوا موعد للذهاب للخدمة المدنية .
ولازم نوحد الكلمه ونحدد موعد مع الخدمه المدنيه عن طريق المتحدثين بالمناطق
ويجب ان يكون الاسبوع القادم بالكثير
يجب التحرك بسرعه وتحديد موعد عاجل الاسبوع القادم
ولو يكون السبت القادم افضل ..عشان اللي يجون من خارج الرياض
يكون معهم الخميس والجمعه ويرتبون انفسهم قبل الموعد
وكذلك يوم السبت اول الاسبوع ..ومفضل دائما
لا لالالا للاتـــــــــــــــــــــــــكاليه