في تصرف غريب قامت إدارة التربية والتعليم بالطائف بإيقاف راتب معلم بحجة عدم وصول ملف المعلم من ادارة التربية والتعليم بالباحة، المعلم وفي اتصال تلقته الوئام تحدث فيها عن معاناته قائلاً :
قصتي تبداء من يوم الثلاثاء الموافق 4/6/ هـ عند اخلا الطرف من مدينة الباحة بعد نقلي الى مدينة الطائف وانهيت الاجراء وقلت الحق عليهم واعطيهم اخلاء الطرف في الطائف من بدري عشان لا يقطعون الراتب والمهم اتجهت للطائف لما رحت الطائف تفاجأت بانهم يطلبون صورة من كرت العائلة لماذا لا أعلم المهم اعطيتهم اخلاء الطرف في يوم 4/6/ وقالوا تعال يوم 5/8 / تستلم توجيهك وفعلا ذهبت وباشرت في المدرسة وانهيت اجراءاتي وعند موعد الراتب يوم السبت 26/8/ ما نزل الراتب انتظرت الى اليوم اللي بعده ما نزل شيء والله استمر الوضع عليه اسبوع كل ما اشيك على الحساب الا هو بالسالب قيمة القرض حق الاسهم .
ذهبت للإدارة في الطائف وهنا كانت الطامة الكبرى لما سألت وقلت انا ما نزل لي راتب قال موظف الحاسب فعلا انت ما نزل لك راتب 8 بينزل مع 9 طيب ليه وكيف اجلس هذا الشهر بدون راتب وانت عارف رمضان ومقاضي رمضان قال والله هذا اللي صار راجع الموظف (تحتفظ الوئام باسمه)
ذهبت للموظف وشرحت له الوضع وقلت له ياخي انت لو ما نزل راتبك او تأخر وش بتسوي قال احنا ما تتأخر رواتبنا لكن انتم يامعلمين عادي تتأخر رواتبكم والله العظيم هذا اللي صار حرفياً وقلت طيب شوفوا الملف حقي وانتم تعرفون راحوا يدورون للملف قالوا الملف لإلى الأن ما جاء من الباحة معقولة من شهر 6 إلى الحين والأن شهر 9 والملف ما جاء ليه هذه التسيب المهم رحت إلى المسؤل وكلمته قال وبكل برود طيب وش تبي الحين وش تبينا نسوي لك قلت اعطوني راتبي قالوا ما نقدر وراتبك ينزل مع 9 هذا النظام رجعت للموظف
قلت انا جاي من شهر 6 عندكم هنا ولما بحثوا في الموضوع طلع فعلا كلامي صحيح قال الموظف والله الموظف اخطاء في رفع بياناتك اتجهت لمكتب المدير العام وما وجدته وذهبت لنائب مدير التعليم وشرحت له الموضوع في البداية ابداء حماس وقال لي قدم شكوى على الموظف الحين وهاتها وانا ارسلها إلى المتابعة قلت طيب خل الشكوى الحين انا ابي الراتب اتصل على الصندوق وقال ما فيه امكانية سلف أو امر صرف من عندكم قالوا كل الاموال الموجودة موجودة باسماء اشخاص وما نقدر نصرف وما يتوفر لدينا سيولة وللأسف كان الحل في نظر النائب هي الصبر لأن الرواتب في شهر رمضان تنزل يوم 18 ،
وطلعت من عنده وبدون حل فارسلت رسالة إلى وزير التربية والتعليم واحال المعاملة إلى معالي النائب لتعليم البنين ووصلت لي رسالة عن طريق الايميل في تمام الساعة الثانية وواحد وعشرين دقيقة مساءا في يوم 18 سبتمر والى الان ما صار شيء ولا احد اهتم ولا احد اعتبر ورد علي أو شاف حل لمشكلتي وانا اطالب بحقي بالاضافة إلى تعويض لما سببوه لي من اضرار نفسية وما دية علما اني معلم لي في الخدمة 5 سنوات تقريبا .
في الاصل انت راتبك من الوزاره على البنك مباشره حتى لو كنت بالمريخ ماادرى هل للمباشره دور في تاخير الراتب اتوقع ياعزيزي ان الملف مو ضروري تشيله معك اشترى ملف ابو ريالين وعطهم فاضي لين تجي اوراقك ياعزيزي اهم شئ ورقة اخلاء الطرف بيدك عاد المباشره بيعطونك هي الادارة الجديده المشكله سببها شئ ثاني غير الملف المبجل لانهم بالاصل مايناظرون فيه ولو مارفعو براتبك اكيد بينزل على ادارتك القديمه بالباحه ليش مارحت وراجعتهم يمكن احنا باقي على نظام المسيرات القديم .ههههههههههه
بتلاقيه بالصندوق حبيبي الان راتبك نازل نازل حتى لو نقلت واستلمت اخلاء طرف وحولت الوزاره يهمها رقم حسابك مو ملفك بس يمكن فيه سبب ثاني غير الملف تأكد منه .
حتى لو تاخرت بمباشرتك صدقني مدير مدرستك كفيل انه يخصم عليك يعني المسئله مو ملفك ياعزيزي