يامعلمين التربية الخاصه
خلااااص والله ملينا الى متى وحنا نقدم ونطلب الرياض ولا فيه امل 
الحين صار لنا ست وسبع سنوات ومكانك سر 
والترتيب من كل سنه يتقدم 2 – 3 
هذا وحنا ارقامنا بالعشرينات اجل اللي ترتيبه 100 و 200 متى بيدخل؟؟ 
وهذا بالنسبه للفكري
طيب والسمعي 
النا الحين من خمس الى سبع سنوات وكثر ماجانا نقل
الله كريم بس تلقها من مشرفين متصلطين او من المجهود الطلاب او من معنات الغربه
ما أقول ياأخي الكريم الله يعننا ويعينك أجل وش أقول أنا وترتيبي على
على الرياض 230 وانا من خريجي يعني ردد ياليل مطولك
تصدق بالله وش أكبر غلطه غلطتها في حياتي !!! أني تخصصت تربية
خاصة وبذات تربية فكرية .
بيقولون يارجال أحمد ربك!!! بقول الحمد لله على كل حال وقدر الله وما
شاء فعل !!
بيقولون عندكم رواتب زينه وعندكم 30% !!!! بقول الحمد لله على
الرزق لكن حولوني تعليم عام وخذوا ال 30% لكم حلال عليكم لأني
راح أنقل السنه الجاية عند أهلي وأحبابي أفتك من أنتظار 15 سنة
قدام علشان أنقل عند أهلي وقتها ما بقى على التقاعد شي والنفس
بتكون طايبه وال 30% في الغربه تروح كلها إيجارات ومقاضي
وتذاكر سفر وقله حيا خذوها وخلوني عند أهلي لا إيجارات ولا
خسائر ولا تذاكر سفر .
بيقولون دوامكم راحه !!! أقول جربوا وتشوفون قسم بالله أن تقولون
أنك تستحقون 100% بدل ال 30% أسأل مجرب .
بيقولون السنة الجايه بيفتحون برامج الثانوية وبيكون فيه نقل كثير!!
بقول لا تفرحون كثير حتى لو رجعوا برامج الثانوية بياخذون المعلمين
اللي نزلوهم لمرحلة المتوسطه بعد قرار تعليق القبول في برامج الثانوية
ويرجعونهم مكانهم الأول يعني إذا فيه نقل للرياض بعد فتح الثانويات
بيدخل كل سنه من 5 إلى 6 معلمين ( خلونا واقعيين ياجماعة ) ولا
يوجد حل إلا بفتح البرامج اللي قلصوها في السنوات الماضية
بيقولون وش نصيحتك !! بقول للي يدرس تربية خاصة ولا بعد حدد
مساره أقول أنننننننننننننحش من التربية الفكرية وأذهب لصعوبات
التعلم أو الأضطرابات السلوكية !!! لا تقول أني ما نبهتك .
بيقولون ياخي أنت تحطم وأنت متشائم !!! أقول بالعكس لا متحطم
ولا متشائم لأن واسطتي في جيبي واذا ما نقلت السنة الجاية للرياض
أو الخرج بشغلها وبنقل بإذن الله لكني أتكلم عن أمور واقعية وأتكلم
بلغة الأرقام .
بيقولون لو عندك واسطة كان نقلت من أول سنة !! بقول لأني ما أبي
أنقل السنة الأولى وحتى الثانية نظرا لأنشغالي في دراسة زوجتي في
المنطقة الشرقية والوعد السنة الجاية !!
بيقولون تراك طولتها !!! بقول لا خلاص ما عاد عندي شي أقوله ما
أقول إلا الله يوفق كل واحد يبي ينقل عند أهله ولا تيأسون من رحمة
الله لكن لابد من الدعاء والإلحاح في الدعاء أن الله يعدل وضع معلمي
التربية الخاصة وخاصة الفكري لكن لابد أن يجتمع معلمي التربية
الخاصة ويذهبون للوزير ويشرحون وضعهم في النقل لأن هناك
الآف من معلمي التربية الخاصة لكنهم خااااااامدون والوزير طيب
وماراح يقصر معهم ,,
تقبلوا تحياتي أخوكم تاكسي واللي يبي مشوار للدمام يعلمني لأني كل
خميس وجمعة سردادي مردادي للرياض علشان أسلم على أمي
الحبيبة وأبي الحبيب ,,,,,,,,,,,,,,,,,الله يكفينا شر ذا الخطوط
ويكفنا شر الحوادث اللي يعاني منها المعلمين والمعمات ,,,
إصلاح الموجود خير من إنتظار المفقود