كيف تحلين في لجنة الإختبار؟؟؟

طيب …خلصنا النصآئح للي مذاكرين ….

بقي نصآآآآآآآآآآآآآآئح للمهملين..إللي

مايذاكرون..إللي ماهمهم نسبة بس يبغون

النجاح …

في البدايه أبغى أنبه إنك لا تعتمدي على مبدأ التجاوز…لأنه بالغالب…من شدة إهمالك طول العام ماتوصلي لنسبة التجاوز..

وأعرف طالبة…للأسف كانت تبكي يوم النتائج السنة الماضية …وتقول المفروض تتجاوزوا لي …وكان الرد عليها إنها من شدة التسيب

ماوصلت حتى نسبة التجاوز..وكانت مخفقة في الفصلين ..وعليها دور ثاني…

وبعدين ….قد ماتقدري جمعي درجات في الإختبار…

كييييييييييييف وإنت أصلا ماذاكرتي ؟؟؟؟

طيب … أولا يؤسفني إني أضطر أقول هذا …بس!!!

لأني أعرف طالبة السنة الماضية عادت سنة عشان درجتين بس!!!!...النسبة ماهمتها ..وماتبغى جامعة..بس عالأقل !!خذي شهادة ثانوي لأن إللي مامعاها شهادة ثانوي ألحين للأسف تكون (أميّة )!!..

كيف تجمعي درجات ؟؟؟…بذكر لك أمثلة من كل المواد …

أولا :شاكة في شي..ومنت مذاكرة حاولي تستخدمي معلوماتك العامة ..أحيانا تنفع..في الإختياري استبعدي الأشياء البعيدة..عندك مثلا وفاة علي بن أبي طالب رضي الله عنه..

عام 10 هـ 40هـ 100هـ

فين تستخدمي معلوماتك؟؟؟…الاختيار الأول يمكن أعرف إن بعد الهجرة كان الرسول صلى الله عليه وسلم في المدينة عشر سنوات تقريبا …أجل لسا ماجات خلافة علي بن أبي طالب…وأما 100 فهي بعيدة مرة ..أجل مافي إلا ثاني وحدة..

طبعا إياك وإختيار خيارين ..لأنه يلغى!!!!!!!!حتى لو واحد منهم صح…

وكذلك إللي تحط صح وفوقه خطأ…يلغى!!!!!!!للأسف!!!!كله

وإذا مافي معلومات عامة…ولا حتى خيال …إختاري عشوائي…و(الله يرزقك)!

وانتبهي …بعض الطالبات في الصح والخطأ..تحط كله صح أو كله خطأ…على بالها إن المعلمة تخليهم بالنص!!فتحسب نفسها كسبت نص الدرجة…وهذا خطأ!!!!…وكنت مع معلمة أصحح وكانت أسئلتها كلها صح…ماعدا الأخير!!!!!والبنت إللي مسوية ذكية حاطة كله خطأ…..

ثانيا : إذا منت مركزة مرة عبري بإسلوبك …والله يعين معلمتك…أحيانا تكون طريقة التعبير طريفة ومضحكة…بس تقبل…

وأعطيكم مثال

في مادة الفقه…كانت أستاذة الفقه…جايبة سؤال…اذكري بعض ألفاظ الكناية عن الطلاق!( المقصود غير لفظ كلمة طالق! )

فالطالبة مهي متذكرة مررررة….يعني بقايا تذكره أثناء نومتها بالحصة …فكتبت ( شيلي شعرك عني !!! )

طبعا كان تعبير مضحك بس قبلته المعلمة وغالب المعلمات يراعون في التصحيح لأبعد حد حتى إللي تكون أصلا شديدة..

بقي أقولكم إن أصلا الإجابة كانت : (غطي شعرك عني ! لأنها أصبحت مطلقة عنه) .

ثالثا : لاتتركي أي سؤال فاضي …وأكرر …لاتتركي ..أي سؤال فاضي ….في طالبة عادت سنة على 4 درجات ..لأنها الله يهديها ..مسلمة الورقة فاضية …بما فيها الإختيارات ..وكان ممكن لو تخمين في الإختيارات ..أو الصح والخطأ وتحصل على الدرجات الأربع…

وفي هذي المدرسة طالبة عادت سنة على درجتين بسبب الإنجليزي..

كان ممكن تحصل عليها ..من كتابة عنوان درس التعبير..المعلمة تقول لو بس شافت العنوان إللي كان موجود وحطته في الورقة كان نجحتها..بس تاركة الورقة فاضية مرة .والله ماكلفت نفسها حتى تقرأ (وممكن تكون محبطة)…بس الذنب ذنبها برضوا…حتى ماخلتأحد يساعدها…

وأرجع أأكد بالنسبة لموضوع التعبير في الإنجليزي…لما تكون المعلمة محددة ثلاثة…ذاكريها كلها…أما إذا حذفتي من عندك وماذاكرتي إلا واحد…وجا غيره…فإياك إياك تكتبيه…يلغى!!!!!!!..اكتبي عنوان اللي منت حافظته وتاخذي درجة…بدل ماتكتبي موضوع كامل مهو مطلوب ويلغى كله!!!

ثالثا : المواد العلمية…جت مسألة ..ومنت عارفة تحلي…حطي على الأقل القوانين…يعطوك عليها درجة

رابعا : حاولي بأي طريقة تجمعي درجات ..ولاتقولي (خربانة..خربانة ..)!!!!…

لاتتركي أي شي فاضي ..في طالبة أخذت في العملي في الفيزياء خمسة درجات ..وعلى ورقة الإختبار النهائي صفررررررررررر!!!! والله مانجحها بعد الله إلا درجة الإختبار العملي ..وإلا كانت دخلت دور ثاني ( وعلى فكرة هي وحدة من طالبات المنتدى )

خامسا : ابعدي كل البعد عن أي كتابة على الورقة لاتمت للحل بصلة!..

إما محاولة طلب رجاء من المعلمة إنها تراعيك أو تنجحك أو تراعي ظروفك..لأن أي ورقة من أولى ثانوي لثالث ثانوي تمر على ثلاث معلمات معلمة المادة ..ثم المراجعة ..ثم المدققة …وفي حالة وجود أي كلام خارج الحل ..يعمل للطالبة لجنة خاصة تصحح بصرامة!!!يعني إنت جبتيها لنفسك!!!

وإذا كنا نقول لاتطلبي أي مساعدة على الورقة ..ففي نفس الوقت …إياك وأي كلام فيه إستهتار ..أو ذم …أولا لأنه سيتم تحويلك للجنة خاصة..وثانيا ..
لأنك توغري صدر معلمتك عليك …والله إن كل المعلمات يحنوا عليكم (حتى لو ماشفتوا )…لكن إذا كنتي بتكتبي باستهتار أو كلام بذئ …والله تخلي قلب المعلمة يكرهك ..ويمكن تكوني ظالمتها وتدعي عليك…انتبهي …

وأذكر لكم مثال من نفسي …كانت عندي طالبة مشاغبة على الرغم من إني مثل باقي المعلمات بساعد طالباتي عشان النجاح …لقيتها في يوم الإختبار النهائي في حل سؤال كتبت لي (أنظري الكتاب ) …!والله زعلت من قلبي على الإستهتار ..وتمنيت وقتها من الغضب إني ما ساعدتها بأعمال السنة كان ممكن ماتنجح…لكن نجحت!!!في مادتي …وعادت السنة في مادتين غير!!!وبعد السنة إللي بعدها …عادت السنة …مرتين…لكن تعدل سلوكها والله ..وتغيرت نظرة المعلمات لها …لدرجة إني كنت أساعدها في إكمال ملخص مادتي إذا كان ناقص..وأكتب لها بيدي ..وأعدل الإجابات..وهي الآن من طالبات الجامعة!!!وبيننا صلة وثيقة..وإحترام متبادل…

المهم كل إللي حبيت أقوله إن أحيان كثيرة تدخل الرحمة في التصحيح…
ممكن تكون المعلمة تشوف غالب الطالبات ماحلوا سؤال ..فتحذفه وتوزع درجته..

وأحيانا تشوف إن غالب الطالبات بيحلوا في سؤال ..فتخلي عليه أكبر درجة..وأنا منهم ..

أتذكر إن كان عندي احدى الطالبات عندها صعوبات تعلم ..وضعف تركيز ..وتأتأه..لكن مجتهدة وتحل واجباتها ودفترها كامل ومؤدبة فوووووق الوصف…ومع ذلك كانت درجاتها ضعيفة وكانت تعيد السنة أكثر من مرة…وفي سنة التخرج…بعد التصحيح اكتشفت إنها ينقصها 4 درجات ..وإلا بترسب في مادتي ..وكان أغلب حلها في أكملي الفراغ .وكذلك غالب الطالبات..فحذفت سؤال لخاطرها …وخليت أكثر الدرجات على أكملي الفراغ,..وبالفعل نجحت…وحلت البركة حتى على باقي زميلاتها وارتفعت درجاتهم كلهم…

هذي النصايح من قلب أم قبل تكون معلمة..لكن لاترضي تكوني من أصحاب الطبقة الدنيا ..لأن الموضوع كله (مستقبلك ) ومهو نجاح أي كلام (حتى جامعة ماتدخلي !!!!) مشكلة والله…..

الموووووووووهييييييييم!!!!….. يارب يسهل أموركم وينجحكم …وكذا خلص كلامي …..

أشوفكم يوم السبت …..13/2 / هـ

وأنتظر أسمع منكم الصرخة المعتادة…….وااااااااااااااااااااااااااااااااااااااااااااااااا اااااااااااااااااااااااااااااااااااااا :0 271:!!!!!!!! لما يدق الجرس ….معلنا بداية الإختبار….وتدفوا كويس عشان البرررررد

مع خالص ودادي وصادق دعواتي…