فزعتكم يامعلمي الغربيه

السلام عليكم ورحمة الله , واسعد الله اوقاتكم جميعا
أخواني انا تم نقلي بعد سنوات خدمه من الرياض الى جده, وحقيقه كثير من الزملاء خوفني من التدريس في جده مقارنة مع منطقة الرياض, وصراحة تعليم الرياض انا جدا مرتاح معاه ولم أعاني من أي مشكله طوال الست سنوات, على العكس تماما مرتااااااح جدا ولكن حب التغيير دفعني لطلب النقل, لاأريد الإطاله ولكن لدي إستفسارات وأتمنى من لديه إجابه أن لايبخل علي فيها.
1_ مالفرق بين إدارات الرياض وجده؟ طبعا ادارة التعليم ومكاتب الإشراف وادارات المدارس
2_ ماأفضل الشرائح الداخليه للمدارس بمحافظة جده؟ المقصود بيئة الطلاب وبيئة المكان وكذلك الزملاء
3_ هذا سؤال عمومي ولايختص بالمعلمين, طبعا أخوكم في الله عزابي وأسأل عن وضعية السكن في جده, مواقع سكن جيده للعزاب بعيدا عن وسط وجنوب جده , وكذلك من لديه خبره عن مبلغ الإيجارات أو مكاتب عقار مختصه بها
4_ هل فعلا أزمات المياه بشكل متواصل بمحافظة جده؟
5_ نبذه مختصره عن جده بعيوبها ومميزاتها
ولكم مني فائق تقديري وإحترامي حسن الأسمري ( الرياض) وقريبا جده

---

الله يهديك اللي يشوفك تقول نقلت منطقة نائية هذه جدة أم الرخاء والشدة وعلى قولتهم جدة غييييييييير نقول لك مبروك النقل وتزوج يا رجال وخلك من العزوبية

حسستني انك بتنسجن هههههههههههههههههه ياراجل مافي زي جده اسألني انا عشت في الرياض 26 سنه واللحين لو تقولي اترك جده وارجع الرياض تضاربت معاك <<< هذي من ناحية الراحه النفسيه اما التعليم ماجربت تعليم الرياض والاجارات الله يعينك على حسب الحي وانقطاع المويه كمان على حسب الحي بعدين اعرف اللحين فين يحطوك في اي مدرسة وبناء عليها استأجر قريب منها وحياك الله بين اهلك

ما شاء الله طالب تقرير مفصل لا تكون مخابراتي من الخواجات هههههههههههههه
وبعدين تعال قولي وش جابك لجده ما دامك مرتاح في العاصمه وما تعرف جده لهذه الدرجه

وبصراحه جده فلــــــــــــــــــــــــــــــــــــــــــــــــ ه ووناسه

واحد مسوي واثق^^^^^^ والله يالحبايب أنا لدي معرفه قويه في إدارة تعليم جده وهو طلب مني تحديد الموقع اللي أنا أرغب فيه , أما الحبيب اللي يقول تحسسني بأنك نقلت لمنطقه نائيه ؟؟؟ عادي يالغالي في الرياض مواقع تطلع الروح وتكرهك التعليم مثل النظيم والنسيم الشرقي والفيصليه وأنا بس حبيت أعرف مواقع في جده مثل هالمواقع وعلى حسب معلوماتي المتواضعه فهناك غليل ووسط البلد من أخطر مواقع جده أمنيا وتعليميا تطفيش في تطفيش ,

هل انت معلم ؟؟؟

يادودي صح مرتاح بالرياض بس اللقافه خلتني أطلب وكذلك حب التغيير , وأنا طلبت هالتقرير المفصل عشان أرتاح وماأندم

أبو عيون الكون, ايه معلم , وعادي لما قلت خوفني من التدريس في جده, تدري ليش ؟ لأن هناك إدارات تعليم تكرهك المهنه مهما أخلصت وتفانيت ويكفيك الوزاره برأسها وش سوت فينا ,
وكلمة الخوف ليست بالرعب ولكن بعباره أصح أخاف أندم على إدارة تعليم الرياض من مشرفينها المتواضعين والمقدرين للجهود, وكذلك تفهم إدارات المدارس للظروف وأشياء كثيره لاتخفى عليك, واللي خلاني أقول كذا كلام بعض المعلمين عن تعجرف وتسلط إدارات متعدده تعليميه بجده وكذلك تأخرها عن بعض الإدارات في بعض القرارات مثل تحسين المستويات وبدلات التعيين وتجاهل التمييز بين المعلم المجتهد والمتخاذل وكثرة المحسوبيات