سسسؤال

الله يوفقك ويكتبلك الأفضل

[align=center]اهلا ,,
بالنسبة للدرجات حسب مذاكرتك , ذاكرتي تاخذي درجات حلوة , أما إذا طنشتي فماراح تعجبك درجاتك !
ههههههه انت زيي في المتوسط 99 ,, بس هنا ماجبتها للأسف أفححط أذاكر أتعب و نسبتي 97 ماتنزل ولا تطلع * الحمدلله راضية فيها الحمدلله *
انا ما اقولك انه مافي بنات نسبهم عالية الا في 99 و 100 ماشاءالله ..
بعض الأبلات يساعدوا مرررة لدرجة بس تراجعي وقت الاختبار و في أبلات من الجلدة للجلدة
و أي سؤال أنا جاهزة … [/align]

تسلمووون
جفت دموعي لا انا فالمتوسط نسبتي فوق 99 حتا
بس اقصد اقدر اجيب زي كذا عندكم بعد ولا راح تصعب شوي

رعوووده مره ششكرا

بسم الله الرحمن الرحيم

المدرسة الـ 19 اروع المدارس على الاطلاق ومستحيل تلاقي زيها .. للأسف مسيرتي معاها شارفة على الانتهاء يعني هوا اسبوع اختبارات وخلاص الجامعه تنتظرنا .. على العموم ابلاتنا الاغلب ادا ما كان الكل راااااائعات يعني صح مو كاملين الصفات والكمال لله بس احسن منهم اتحداكي تلاقي .. طبيعي انو في 4 او 5 ابلات مووو مره بس يمشي الحال
نسبتك لو ذاكرتي مو اقلك اول بأول ودوفره لا المستوى الطبيعي من العلم يعني ليلة الاختبارات المستمره والنهائية وللأبلات اللي يختبرو شفوي اسبوعياً بتجيبي 99 ادا ماكان 100 .. المهم لا تضغطي نفسك مررا وحبه حبه راح تحبيها وتعشقيها كمان
الدوافير على قولتك موجودين ما شاء الله ونسبهم 99 – 100 مو اكتر ^_^ ومن السهل انك تكوني ادفرهم ادا كنتي ممتازه معتدله في الدراسه ومو مهمله واهم شيء مستمتعه بالحصص .. تراا بأكدب الدوافير ما شاء الله اللي في دفعتي جامدين عشان كدا ما احب اكون في نفس الفصل معاهم
المدرسه في حي الخالديه اسألي بابتك بعيده ولا لا عن حيكم !!!

ربي يطمن قلبك دي ماطمنتيني

مشكوووره الف شكر
وربي طمنتيني ربي يطمنننك ويحققق لك اللي تبيه

عــنـــدي سسؤال انا من الطالبات الي بيجوونكم ان شاء الله بعد الاجااازه لكن سسمعت انه مدرستكم فيها عطل بالمويه وكمان التماسات بالكهرباء وكمان المبنى رايييح فيها>ـ< قولولي اذا صصح ولا غلــط لاني مره خايفه وامم صح الباص يوصل بنات للبدرانـــي ؟؟ لاني انا سساكنه هناك ومافيه احد يوديني لهــا>ـ< وانا نسسبي دايما مو مره حلوه اعلى نسسبه اخذتها 94 بأول متوسط وبعدها بداا يتدنى مستواي الى 88 >ـ< هل بيقلبوني وكيف اعرف اذا قبلوني ولا لا>ـ< وبعدين القميص حق المريول يكون مقلم بني مع وردي ولا؟ وكييف انقل اذا الفصصل ما عجبني او كنت ابغى اروح مع صاحباتي؟؟
اسسفه اني طولت بكلامي>ـ<"