انا معلم في ادارة تعليم الرياض دفعة كنت انتظر راتب الدرجه الرابعه قمت بالاتصال على البنك لاعرف هل تم اضافة الدرجه الرابعه.؟
وجدت المشكله ان الراتب تم أيداعه ولكن اقل من راتب الدرجه الثالثه استغربت وهو 8674 ليس الثالثه 8958 ولا الرابعه 9424 !!
واتصلت على البنك سالت الموظف هل عليه استقطاع قال لا ابدآ لو عليه يبين معي في الجهاز مع اني لا يوجد عندي اي اقساط ابدآآ سكرت.
و قلت يمكن خصم مستحيل يكون خصم قلت ادق على المدير اتاكد وقمت بالاتصال سالته في عندي خصم ابو محمد , قال / ما في اي خصم عليك انت من المعلمين المتميزين عندي وشرحت له الموضوع قال تعال يوم السبت اعطيك المسير حق شهر 6 ونشوف الوضوع سكرت.
قلت خلني اتاكد من المعلمين نفس دفعتي قمت بالاتصال على اثنين من زملائي في المدرسه وطلبت منهم بالتاكد من الراتب .
قالو تم اضافة الدرجه الرابعه وتم ايداع الراتب بمبلغ 9424. ؟! ووووش الساالف انا وش سويت !!
المهم رجعت ادق على موظف البنك قلت له يا اخي زملائي نفس السنه ونفس المدرسه راتبهم 9424 وانتو تقلون 8674 قال يا اخي الكريم حنا نظام البنك دقيق ولا يحتمل الاخطاء راجع جهت عملك وحنا بنزودك بكشف حساب يبين الراتب الذي تم ايداعه واهم هناك يحلونها لك …!!!
وش السبب ما ادري في ما ادري ؟؟!!
وانا الحين محتار وش اسوي ؟؟
انا نويت اخذ صوره من المسير شهر 6 مدري كم نازل فيه من راتب ؟ وامر البنك واخذ كشف حساب يبين الراتب بس..
بس السؤال وين اروح وش الجهه الي تحل الموضوع اي قسم و وين موقعه؟؟
السلام عليكم ورحمة الله وبركاته