الى كل من الغي عقدها ولم يشملهاالتثبيت

وينكم يالمتعاقدات الملغيه عقودهم هذا العام والعام الماضي ولم يشملهم التثبيت
ليش يابنات مانتحرك ونطالب بحقنا ليش ساكتين يمكن هذي عاشر مرة اكتب فيها نفس الوضوع لكن للأسف ماحد يتفاعل معي
تكفووووون يابنات خلونا نطالب بحقنا والله الملك لو يعرف انه فيه ناس اولى بالتثبيت من اللي تثبتوا إنه ما يقصر وراح ينصرنا
أنا متعاقدة لمدة ست سنوات متواليه خمس سنوات عقد بند محو الأميه الصباحي وسنه بند الأجور والراتب الفين والأماكن بعيدة اللتي تم التعاقد معي فيها والحين اموت بحسرتي لأنه ضاعت اللحظه التي كنت احلم فيها لو نتجمع كذا مرة ونكتب في الجريده إنشاء الله إن حقنا يوصلنا بس يبيلنا همة شوي.

---

يا بنات اليوم عندنا تقول مديرة مكتب الاشراف انه جاء تعميم ونصه ان جميع من معها خبرة ماتقل عن ثلاث سنوات حتى ولو كانت جالسة بالبيت سوف يشملهن التقديم للثبيت وتقول الى الان ماندري بالضبط وين تقديم الاوراق وبكرة تقول استفسر لكم

الله يبشرك بالخير
انتي كلمتيها بنفسك تكفيني ردي علي انا معي خبره سبع سنوات واضن تعرفيني تقابلنا بإماره القصييم

الله يوفق الجميع ويبشركم على هالبشارة الحلوة لكن يحلوات هل يشمل التثبيت الكليات المتوسة هذا إذا طلع هالكلام صحيح………
واذا ماطلع هالكلام صحيح خلال هاليومين وماتحركنا ولاطالبنا بحقنا فأحنا عن جد مانستاهل التثبيت
لأنه مايضيع حق ووراءة مطالب واحنا بنكون ضيعنا حقنا بأيدينا ….ولا وش رايكم……

للرفع حتى نسمع صدق الخبر ام نفيه منهم من قال الي على راس العمل فقط والتعميم ماهو محدد قايل الي معها ثلاث خبرات ولم يذكر اي وصف اخر والناس شغاله طعن ومطعون بالخبرية

بالله انو اللي معاها ثلاث سنوات تتثبت اللي تقدر تنزل التعميم عشان اخذه للادارة بكرة