الـــراتب أو التعــويــض

ياخـــريجــات المعهـــــد وش رأيكــن نعتــــرض على المرتبــــه أو نطـــالب بتعــويض ياليت تتفاعلــن مع المـــوضــوع وياليــت الأخــت رحلــــة شقــــا توصـــل أصـــواتنـــا للمحــامي قبــل لا تنتهـــي القضيــــــه وتبــــــــــــرد…
ياليـــت كـــلن تــدلي برأيهــــا أو تقــدر توصل للأخـــت رحــلة شقـــا وتخبــــرهـــا بمطــالبنـــا باللـــه عليكــم أليــس إجحــاف وهضــم لحقنـــا وخســف بالــدرجــه ليــه هــم راح يــدفعــون من جيــوبهـــم ولا من خيــرات بلـــدنــا..
تكفين يابنـــات..تكفيــن بســــــــــرعـه الوقــت ضــدنا.

---

أختي أنا معك باللي تقولين ….. لازم نطالب بالحق …. لاراتب زين ولا تعويض حرام والله!!!!
أنا معك لازم نطالب …. بالتعويض والنظر في الراتب ما نستحق عقب هالانتظارنستلم 3000 هذا الشي حرام والله….
لاحول ولاقوة الا بالله…..

وش رأيــك أختـــي رحلـــة شقــا والأخــت 205ياليت تنــورنــا بآرآكـــن أليــس من حقنــا المطــالبــه بتعــويض أو درجــه تستــاهــل تعــويض الحـــرمــان .ويالت تسألن المحــامي وتبلغننــا بكــل جـــديــد.

ياليت يابنات الي تقدر تكلم المحامي ليش احنا اقل من غيرنا وعلى قولتك ماراح يدفعون شي من جيوبهم

الغريب في الامر اعرف وحده خريجة (ثانوي )وليس معهد اعداد معلمات ثانوي
اخذة بعدها دبلوم حاسب سنتين
كانت على البند اداريه
وترسمت قبل سنه يعني لها تقريباً سنتين راتبها الله يبارك لها فيه ويرزقها 7000 ريال ليش الظـــــــــــــــــــــلم لنا

واحنا الراتب 3000 من جد عين الظلم في الاول والاخير قبل حرمان من الوظيفه
ثم الان حرمان من جزء من الراتب

لكن الحمد لله احسن من لاشي

وبالشكر تدوم النعم

انا اوفقكن بالراي والله حرام لنا 15 سنه ننتظر ويسكتونا براتب 3000 ريال … ليتهم على الاقل في المرتبه الرابعه على الدرجه الثالثه يعينونا لازم يابنات نطالب قبل ينهون اجراءت تعيينا بالماليه نطلب ان تكون على الدرجه الثالثه وبعد مايعينونا نستلم الوظيفه نتكاتف لتعويضنا بمستحقات ماليه عن سنين الي مضت وش رايكم هل تؤيدون كلامي ؟؟

طبعا
اخواااتي انا كتبت تحت احد الموضيع البارح بس ضيعت اي موضوع كنت كاااتبة وفية ادعو اخوااتي
وابي اشوف رايكن با لتعووووويض
وقلت مااادام القضية حااااامية وحيه والكل يتكلم فيها وبرضو المحامي حافظ القضية وفية اخواننا مثل بدر الجبل
إن شاء الله مايقصر معنا بس نبي نتفق ونوصل صوتنا اننا لن نتنازل عن التعويض وناخذ راي المحاااامي
لان سكوتنا يعني التنااااازل؟؟ والله اذكركن رااااح نعض اصاااابع الندم إذا طااار الراتب ع المصاااريف
والحياااة صعبة ومستقبل اطفاااالنا التعويض يعوض الي راح من حياتنا؟
هاه عطني رايكن قبل يروح الوقت وياااله نبدا
تكفوووووووووون ياااابنات انظرن لمستقبل.

رأي صائب
بس ياخوفي نطالب ويلغونا مره واحده لان زي ماركدوها سنين طوال يمكن يجمدنها من جديد
خلونا نتوظف الحين وبعدها نطالب زي ماسوين المعلمات بتسويتهن بالمعلمين
خلونا نرضي بالقليل والحمد لله القناعه كنز لا يفنى